ಹೌದು! ಸಣ್ಣ ಪ್ರಮಾಣದ ಉಳಿತಾಯ ಅಥವಾ ಸಣ್ಣ ಆರಂಭದ ಹೂಡಿಕೆದಾರರಿಗೂ ಮ್ಯೂಚುವಲ್ ಫಂಡ್‌ಗಳು ಉತ್ತಮ ಹೂಡಿಕೆ ವಾಹಕಗಳಾಗಿವೆ.
ಬಹುತೇಕ ಪ್ರತಿ ಹೂಡಿಕೆದಾರರು, ಅವರು ಸಣ್ಣ ಅಥವಾ ದೊಡ್ಡ ಹೂಡಿಕೆದಾರರೇ ಆಗಿರಲಿ ಉಳಿತಾಯ ಬ್ಯಾಂಕ್‌ (ಎಸ್‌ಬಿ) ಖಾತೆಯನ್ನು ಹೊಂದಿರುತ್ತಾರೆ ಮತ್ತು ಆ ಖಾತೆಯನ್ನು ಹೊಂದಿರುವ ಯಾರೇ ಆದರೂ ಮ್ಯೂಚುವಲ್ ಫಂಡ್‌ಗಳ ಮೂಲಕ ಹೂಡಿಕೆ ಆರಂಭಿಸಬಹುದು. ಪ್ರತಿ ತಿಂಗಳು ₹500 ರಷ್ಟು ಕಡಿಮೆ ಮೊತ್ತದಿಂದ ಮ್ಯೂಚುವಲ್ ಫಂಡ್‌ಗಳು ಆರೋಗ್ಯಕರ ನಿಯತ ಹೂಡಿಕೆಯನ್ನು ಪ್ರೋತ್ಸಾಹಿಸುತ್ತವೆ.
ಮ್ಯೂಚುವಲ್ ಫಂಡ್‌ಗಳಲ್ಲಿ ಸಣ್ಣ ಹೂಡಿಕೆದಾರರಿಗೆ ಇತರ ಅನುಕೂಲಗಳೆಂದರೆ -
- ಮ್ಯೂಚುವಲ್ ಫಂಡ್‌ ಸ್ಕೀಮ್ ನಲ್ಲಿ ವಹಿವಾಟು, ಹೂಡಿಕೆ, ಪರಿಶೀಲನೆ, ನಿರ್ವಹಣೆ ಮತ್ತು ರಿಡೀಮ್‌ ಮಾಡುವುದು ಎಲ್ಲವೂ ಸರಳ ಹಾಗೂ ಸುಲಭ ಪ್ರಕ್ರಿಯೆಯಾಗಿವೆ.
- ಸುಲಭ ಲಿಕ್ವಿಡಿಟಿ, ಗರಿಷ್ಠ ಪಾರದರ್ಶಕತೆ ಮತ್ತು ಬಹಿರಂಗಗೊಳಿಸುವಿಕೆ, ಸಮಯಕ್ಕೆಸರಿಯಾಗಿ ಖಾತೆ ಸ್ಟೇಟ್‌ಮೆಂಟ್‌ಗಳು ಹಾಗೂ ತೆರಿಗೆ ಲಾಭಗಳೆಲ್ಲವೂ ಸಣ್ಣ ಮತ್ತು ಮೊದಲ ಬಾರಿಗೆ ಹೂಡಿಕೆ ಮಾಡುವವರಿಗೆ ಸಿಗುತ್ತವೆ.
- ಮ್ಯೂಚುವಲ್ ಫಂಡ್‌ಗಳಲ್ಲಿ ಡಿವಿಡೆಂಡ್‌ಗಳು ಹೂಡಿಕೆದಾರರಿಗೆ ತೆರಿಗೆ ಮುಕ್ತವಾಗಿದೆ.
- 500 ರೂ. ಹೂಡಿಕೆಮಾಡಿದವರಿಗೂ ಮತ್ತು 5 ಕೋಟಿ ರೂ. ಹೂಡಿಕೆಮಾಡಿದ ಹೂಡಿಕೆದಾರರಿಗೂ ಒಂದೇ ರೀತಿಯ ಪರ್ಫಾರ್ಮೆನ್ಸ್‌ ಅನ್ನು ಫಂಡ್‌ ನೀಡುತ್ತದೆ. ಇದು ಸಣ್ಣ ಹಾಗೂ ದೊಡ್ಡ ಹೂಡಿಕೆದಾರರು ಸೇರಿದಂತೆ ಎಲ್ಲ ಹೂಡಿಕೆದಾರರನ್ನೂ ಗಮನದಲ್ಲಿರಿಸಿಕೊಂಡಿರುತ್ತದೆ.
- ತಿಂಗಳಿಗೆ 500 ರೂ. ಅನ್ನು ಹೂಡಿಕೆ ಮಾಡುವವರಿಗೂ ವೃತ್ತಿಪರವಾಗಿ ನಿರ್ವಹಿಸಿದ, ವೈವಿಧ್ಯಮಯ ಪೋರ್ಟ್‌ಫೋಲಿಯೋ ಲಭ್ಯವಾಗುತ್ತದೆ.
ನಿಮ್ಮ ಆರಂಭಿಕ ಮೊತ್ತ ಎಷ್ಟು ಸಣ್ಣದಾಗಿದ್ದರೂ ಅಥವಾ ನಿಮ್ಮ ಉದ್ದೇಶ ಯಾವುದೇ ಇದ್ದರೂ, ಮ್ಯೂಚುವಲ್ ಫಂಡ್‌ ನಿಮಗೆ ಸರಿಯಾಗಿದೆ.
438
