SWP ಕ್ಯಾಲಕ್ಯುಲೇಟರ್ ಎಂದರೇನು ಮತ್ತು ಅದನ್ನು ಬಳಸುವುದು ಹೇಗೆ?

ಹಣಕಾಸು ಯೋಜನೆ ಮಾಡುವಾಗ ಸಾಧನಗಳನ್ನು ಬಳಸಿ ನಿರ್ಧಾರ ತೆಗೆದುಕೊಳ್ಳುವಿಕೆಯನ್ನು ಸರಳಗೊಳಿಸಬಹುದು. ಅಂತಹ ಒಂದು ಸಾಧನವೆಂದರೆ SWP ಕ್ಯಾಲ್ಕುಲೇಟರ್. ಇದು ವ್ಯವಸ್ಥಿತ ಹಿಂಪಡೆಯುವಿಕೆ ಯೋಜನೆಯ ಕಾರ್ಯನಿರ್ವಹಣೆಯನ್ನು ಅರ್ಥಮಾಡಿಕೊಳ್ಳಲು ಸಹಾಯ ಮಾಡುತ್ತದೆ ಮತ್ತು ಹೂಡಿಕೆ ಪೋರ್ಟ್‌ಫೋಲಿಯೊದಿಂದ ಹಿಂಪಡೆಯುವಿಕೆಯನ್ನು ಯೋಜಿಸಲು ಅನುವು ಮಾಡಿಕೊಡುತ್ತದೆ. 

ಮ್ಯೂಚುವಲ್ ಫಂಡ್ ಸೌಲಭ್ಯಗಳು ವ್ಯವಸ್ಥಿತ ಹಿಂಪಡೆಯುವಿಕೆ ಯೋಜನೆ (SWP) ಯನ್ನು ಒಳಗೊಂಡಿರುತ್ತವೆ. ಇದು ಹೂಡಿಕೆದಾರರಿಗೆ ನಿಯಮಿತ ಮಧ್ಯಂತರಗಳಲ್ಲಿ ಪೂರ್ವನಿರ್ಧರಿತ ಮೊತ್ತವನ್ನು ಹಿಂಪಡೆಯಲು ಸಹಾಯ ಮಾಡುತ್ತದೆ. ಹೂಡಿಕೆಯನ್ನು ಸಂಪೂರ್ಣವಾಗಿ ಹಿಂಪಡೆಯುವ ಬದಲು, ಯುನಿಟ್ ಹೊಂದಿರುವವರಿಗೆ ಅದರ ಒಂದಷ್ಟು ಭಾಗವನ್ನು ಹಿಂಪಡೆಯಲು SWP ಸಹಾಯ ಮಾಡುತ್ತದೆ. ಇದರಿಂದ ಬಾಕಿ ಉಳಿದ ಮೊತ್ತವು ಬೆಳೆಯುತ್ತಿರುತ್ತದೆ ಅಥವಾ ಆದಾಯವನ್ನು ಗಳಿಸುತ್ತಿರುವಾಗಲೇ ಸ್ಥಿರವಾದ ಹಣದ ಹರಿವಿನ ಮೂಲವನ್ನು ಸೃಷ್ಟಿಸುತ್ತದೆ. 

SWP ಮ್ಯೂಚುವಲ್ ಫಂಡ್ ಕ್ಯಾಲ್ಕುಲೇಟರ್ ಒಂದು ಆನ್‌ಲೈನ್ ಸಾಧನವಾಗಿದ್ದು, ನಿಮ್ಮ ಹೂಡಿಕೆ ಮೊತ್ತ, ನಿರೀಕ್ಷಿತ ಆದಾಯ ಮತ್ತು ಹಿಂಪಡೆಯುವಿಕೆಯ ಅವಧಿಯನ್ನು ಆಧರಿಸಿ ನೀವು ನಿಯತಕಾಲಿಕವಾಗಿ ಹಿಂಪಡೆಯಬಹುದಾದ ಮೊತ್ತವನ್ನು ಅಂದಾಜು ಮಾಡಲು ಸಹಾಯ ಮಾಡುತ್ತದೆ. ಪ್ರತಿ ಹಿಂಪಡೆಯುವಿಕೆಯ ನಂತರ ನಿಮ್ಮ ಹೂಡಿಕೆಯಲ್ಲಿ ಎಷ್ಟು ಹಣ ಉಳಿಯುತ್ತದೆ ಎಂಬುದರ ಸ್ಪಷ್ಟ ಚಿತ್ರಣವನ್ನು ಇದು ನಿಮಗೆ ನೀಡುತ್ತದೆ.

ಕ್ಯಾಲ್ಕುಲೇಟರ್‌ನ ಮೂಲ ಲಕ್ಷಣಗಳು: 

ಸರಳ ಇನ್‌ಪುಟ್ ಕ್ಷೇತ್ರಗಳು: ನೀವು ಹೂಡಿಕೆಯ ಮೊತ್ತ, ಹಿಂಪಡೆಯುವಿಕೆಯ ಮೊತ್ತ, ಆವರ್ತನ, ನಿರೀಕ್ಷಿತ ಆದಾಯ ದರ ಮತ್ತು ಅವಧಿಯಂತಹ ಸರಳ ಕ್ಷೇತ್ರಗಳನ್ನು ಒದಗಿಸಬೇಕು. 

ನಿಖರವಾದ ಪ್ರೊಜೆಕ್ಷನ್‌ಗಳು: ಹಿಂಪಡೆಯುವಿಕೆಯ ದರವನ್ನು ನೀಡಿದರೆ, ಈ ಕ್ಯಾಲ್ಕುಲೇಟರ್ ನಿಮ್ಮ ಹಣ ಎಷ್ಟು ಕಾಲ ಉಳಿಯುತ್ತದೆ ಎಂಬುದನ್ನು ತೋರಿಸುತ್ತದೆ. ಆದಾಗ್ಯೂ, ಮಾರುಕಟ್ಟೆ ಏರಿಳಿತಗಳು ಮತ್ತು ಮ್ಯೂಚುವಲ್ ಫಂಡ್ ಆದಾಯಗಳು ಮಾರುಕಟ್ಟೆ ಏರಿಳಿತಗಳಿಗೆ ಒಳಪಟ್ಟಿರುತ್ತವೆ ಎಂಬುದನ್ನು ನೀವು ಪರಿಗಣಿಸಬೇಕಾಗುತ್ತದೆ.  

ಕಸ್ಟಮೈಸ್ ಮಾಡಬಹುದಾದ ಸನ್ನಿವೇಶಗಳು: ನಿಮ್ಮ ಹಣದ ಮೇಲೆ ಅವು ಹೇಗೆ ಪರಿಣಾಮ ಬೀರುತ್ತವೆ ಎಂಬುದನ್ನು ನೋಡಲು ನೀವು ಹಿಂಪಡೆಯುವಿಕೆಯ ಮೊತ್ತ ಅಥವಾ ಆದಾಯದಂತಹ ವಿವರಗಳನ್ನು ಸರಿಹೊಂದಿಸಬಹುದು. 

ಹಣಕಾಸು ಯೋಜನೆ: ನಿಮ್ಮ ಹೂಡಿಕೆಯನ್ನು ತ್ವರಿತವಾಗಿ ಖಾಲಿ ಮಾಡದೆ ಸುಸ್ಥಿರತೆಯನ್ನು ಖಚಿತಪಡಿಸಿಕೊಳ್ಳುವುದಕ್ಕಾಗಿ ಹಿಂಪಡೆಯುವಿಕೆಯನ್ನು ಯೋಜಿಸಲು ಸಹಾಯ ಮಾಡುತ್ತದೆ. 

SWP ಕ್ಯಾಲ್ಕುಲೇಟರ್ ಬಳಸುವ ಪ್ರಾಥಮಿಕ ಹಂತಗಳು ಹೀಗಿವೆ: 

• ​​ಹೂಡಿಕೆಯ ಮೊತ್ತವನ್ನು ನಮೂದಿಸಿ: ಮ್ಯೂಚುವಲ್ ಫಂಡ್‌ನಲ್ಲಿ ಹೂಡಿಕೆ ಮಾಡಿದ ಒಟ್ಟು ಮೊತ್ತವನ್ನು ನಮೂದಿಸಿ.
• ಹಿಂಪಡೆಯುವಿಕೆಯ ಮೊತ್ತವನ್ನು ಆಯ್ಕೆಮಾಡಿ: ನೀವು ನಿಯತಕಾಲಿಕವಾಗಿ ಹಿಂಪಡೆಯಲು ಬಯಸುವ ಮೊತ್ತವನ್ನು ನಿರ್ದಿಷ್ಟಪಡಿಸಿ (ಮಾಸಿಕ, ತ್ರೈಮಾಸಿಕ, ಇತ್ಯಾದಿ).
• ಹಿಂಪಡೆಯುವಿಕೆಯ ಆವರ್ತನವನ್ನು ಆರಿಸಿ: ಹಿಂಪಡೆಯುವಿಕೆಗಳ ಮಧ್ಯಂತರವನ್ನು ನಿರ್ಧರಿಸಿ (ಮಾಸಿಕ, ತ್ರೈಮಾಸಿಕ, ವಾರ್ಷಿಕವಾಗಿ).
• ನಿರೀಕ್ಷಿತ ಆದಾಯವನ್ನು ಹೊಂದಿಸಿ: ಮ್ಯೂಚುವಲ್ ಫಂಡ್ ಆದಾಯಗಳು ಮಾರುಕಟ್ಟೆಯನ್ನು ಅವಲಂಬಿಸಿರುತ್ತವೆ ಎಂಬುದನ್ನು ನೆನಪಿನಲ್ಲಿಟ್ಟುಕೊಂಡು ಅಂದಾಜು ಆದಾಯ ದರವನ್ನು ನೀಡಿ.
• ಹಿಂಪಡೆಯುವಿಕೆಯ ಅವಧಿಯನ್ನು ಆಯ್ಕೆಮಾಡಿ: ನೀವು ಹಣವನ್ನು ಹಿಂಪಡೆಯಲು ಯೋಜಿಸಿರುವ ಅವಧಿಯನ್ನು ವ್ಯಾಖ್ಯಾನಿಸಿ.
• ಫಲಿತಾಂಶಗಳನ್ನು ವೀಕ್ಷಿಸಿ: ಕ್ಯಾಲ್ಕುಲೇಟರ್ ಈ ಕೆಳಗಿನವುಗಳನ್ನು ಪ್ರದರ್ಶಿಸುತ್ತದೆ: 

ಪ್ರತಿ ಹಿಂಪಡೆಯುವಿಕೆಯ ನಂತರ ಉಳಿದಿರುವ ಮೊತ್ತ. 
ನಿಮ್ಮ ಸಂಗ್ರಹ ಎಷ್ಟು ಕಾಲ ಉಳಿಯುತ್ತದೆ. 
ಕಾಲಾನಂತರದಲ್ಲಿ ಹಿಂಪಡೆದ ಒಟ್ಟು ಮೊತ್ತ. 

ದೀರ್ಘಕಾಲೀನ ಆರ್ಥಿಕ ಗುರಿಗಳನ್ನು ರಾಜಿ ಮಾಡಿಕೊಳ್ಳದೆ ವ್ಯವಸ್ಥಿತವಾಗಿ ಹಣವನ್ನು ಹಿಂಪಡೆಯಲು ಬಯಸುವ ಯಾವುದೇ ಹೂಡಿಕೆದಾರರಿಗೆ SWP ಕ್ಯಾಲ್ಕುಲೇಟರ್ ಒಂದು ಅಮೂಲ್ಯ ಸಾಧನವಾಗಿದೆ. ಈ ಸಾಧನವು ದಕ್ಷ ಯೋಜನೆ, ಮನಸ್ಸಿನ ಶಾಂತಿ ಮತ್ತು ಆರ್ಥಿಕ ಭದ್ರತೆಯನ್ನು ಖಚಿತಪಡಿಸುತ್ತದೆ. ಮಾಹಿತಿಯುಕ್ತ ನಿರ್ಧಾರಗಳನ್ನು ತೆಗೆದುಕೊಳ್ಳಲು ನಿಮ್ಮ ಒಟ್ಟಾರೆ ಹೂಡಿಕೆ ತಂತ್ರದ ಭಾಗವಾಗಿ ಯಾವಾಗಲೂ ಈ ಉಪಕರಣವನ್ನು ಬಳಸಿ. ಆದಾಗ್ಯೂ, ಈ ಉಪಕರಣವು ನಿಮ್ಮ ಏಕೈಕ ನಿರ್ಣಾಯಕ ಅಂಶವಾಗಿರಬಾರದು ಎಂಬುದನ್ನು ನೆನಪಿನಲ್ಲಿಡಿ, ನಿಮ್ಮ ಹೂಡಿಕೆಯನ್ನು ಮಾಡುವ ಮೊದಲು ನೀವು ವಿಶ್ಲೇಷಿಸಬೇಕಾದ ಹಲವಾರು ಇತರ ಅಂಶಗಳಿವೆ.  

ಹಕ್ಕು ನಿರಾಕರಣೆ: ಮ್ಯೂಚುಯಲ್ ಫಂಡ್ ಹೂಡಿಕೆಗಳು ಮಾರುಕಟ್ಟೆ ಅಪಾಯಗಳಿಗೆ ಒಳಪಟ್ಟಿರುತ್ತವೆ, ಎಲ್ಲಾ ಯೋಜನೆ ಸಂಬಂಧಿತ ದಾಖಲಾತಿಗಳನ್ನು ಜಾಗ್ರತೆಯಿಂದ ಓದಿರಿ.