आपल्या जोखीम पत्करण्याच्या क्षमतेनुसार फंडची निवड कशी करावी

Video
म्युच्युअल फंड कैलकुलेटर

म्युच्युअल फंड सही आहे?

म्युच्युअल फंड बाजाराशी निगडित उत्पादने आहेत ज्यांच्यासोबत अनेक प्रकारच्या जोखमी असतात आणि त्यांच्या परताव्याची हमी  नसते. योग्य म्युच्युअल फंड निवडण्यासाठी त्याच्या गुंतवणूक उद्दिष्टांसोबतच परताव्याची शक्यता आणि त्याच्या जोखमीचे मूल्यांकन या बाबींकडे सुद्धा लक्ष दिले पाहिजे. प्रत्येक गुंतवणूकदाराचे व्यक्तिमत्त्व  जोखमीबद्दलच्या प्राधान्यांच्या बाबतीत निराळे असते त्यामुळे प्रत्येक गुंतवणूकदारासाठी म्युच्युअल फंडची निवड निराळी असते. जोखीम प्राधान्यांसोबतच प्रत्येक गुंतवणूकदाराच्या मनामध्ये एक उद्दिष्ट असते जे मूल्य आणि कालावधी यांच्याप्रमाणे प्रत्येकाचे निराळे असते. त्यामुळे योग्य म्युच्युअल फंड निवडण्यासाठी आपल्याला अनेक फंडांची तुलना जोखीम-परतावा-कालावधी या मेट्रिकवर करावी लागते.

याला समजण्यासाठी एक उदाहरण घेऊया. एक 30 वर्षाची व्यक्ती आणि एक 50 वर्षाची व्यक्ती दोघेही आपापल्या रिटायरमेंटसाठी गुंतवणूक करीत असले तरीही त्यांची फंडची निवड निराळी असेल. 30 वर्षाची व्यक्ती अधिक जोखीम पत्करू शकते कारण तिच्याकडे 25-30 वर्षांचा कालावधी आहे, पण 50 वर्षाच्या व्यक्तीला अधिक सावधगिरी पत्करावी लागेल कारण तिचा कालावधी 8-10 वर्षांचाच आहे. 

असा फंड निवडा ज्याचा जोखमीचा प्रोफाइल आपल्या जोखीम पत्करण्याच्या क्षमतेप्रमाणे असेल. आपल्याला कमी जोखीम हवी असल्यास, तर डेब्ट फंड निवडा. आपल्याला जोखीम घ्यायला हरकत नसेल, तर एक योग्य असा इक्विटी फंड निवडा. आपल्याला मध्यम जोखीम हवी असल्यास, तर हायब्रिड फंड निवडा. अशा प्रकारे फंड निवडण्याच्या प्रक्रियेची सुरुवात करण्यासाठी आधी हे पहा की आपण किती जोखीम घेऊ इच्छिता.

452
मी गुंतवणूक करण्यासाठी तयार आहे