તો શું હું 8 મહિના પછી મારું વેકેશન આવે છે તેના માટે અત્યારે રોકાણ કરી શકું?

મ્યુચ્યુઅલ ફંડ (MF)માં રોકાણ વિશે લખાયેલા લેખો સામાન્ય રીતે લાંબા ગાળાના લક્ષ્યો પૂરા કરવા વિશે માહિતી આપે છે. જેના લીધે સ્વાભાવિક રીતે, રોકાણકારો એવું માની લે છે કે મ્યુચ્યુઅલ ફંડ ટૂંકા ગાળાના લક્ષ્યો હાંસલ કરવામાં મદદ કરી શકતા નથી.

ચાલો પ્રવાસે જવાની તીવ્ર ઝંખના રાખનારા રમેશનું ઉદાહરણ જોઈને આ કાલ્પનિક જુઠ્ઠાણાંને દૂર કરીએ.

તાજેતરમાં, એક કંપનીએ સફળતા હાંસલ કરવા બદલ તેના કર્મચારીઓને બોનસ સાથે પુરસ્કૃત કર્યા, જેના માટે રમેશ પણ કામ કરે છે. આ બોનસથી રમેશ યુરોપની ટ્રીપનો પ્લાન બનાવવા માંગતો હતો.

જોકે, રમેશ એક મોટા અને પ્રતિષ્ઠિત પ્રોજેક્ટ પર કામ કરી રહ્યો હતો જેને પૂરો થતાં લગભગ આઠ મહિના લાગશે. આ પ્રોજેક્ટ પૂરો થયા પછી જ તે યુરોપનો પ્રવાસ કરી શકશે. તેથી તેની મુસાફરીની તારીખો અત્યારે નિશ્ચિત ન હતી.

તેથી રમેશે લિક્વિડ ફંડ્સનો ઉપયોગ કરવાનું નક્કી કર્યું જે આવા કિસ્સાઓ માટે યોગ્ય છે જ્યાં રોકાણનો સમયગાળો ટૂંકો છે, પરંતુ અનિશ્ચિત છે. ફંડ્સ તેને કોઈપણ કામકાજના દિવસે તેનો ઉપાડ કરવાની સુવિધા પણ આપે છે. ઉચ્ચ લિક્વિડિટીને ધ્યાનમાં લેતા, ઉપાડની વિનંતી સબમિટ કર્યા પછીના કામકાજના દિવસે તેમના ખાતામાં નાણાં જમા કરવામાં આવશે. અમુક ફંડ હાઉસ વ્યક્તિને SMS અથવા એપ દ્વારા ઉપાડની વિનંતી કરવાની મંજૂરી પણ આપે છે.

આ રીતે, જ્યાં સુધી તે મુસાફરી કરવા તૈયાર ન થાય ત્યાં સુધી તે તેના નાણાંમાં વધારો થવા દેતો. આખરે જ્યારે તેણે રહેવાની સગવડ અને ફ્લાઇટ બુકિંગ જેવી તેની ટ્રીપની તૈયારી શરૂ કરી ત્યારે તેને અમુક ફંડનો ઉપાડ કર્યો. તે પ્રવાસ દરમિયાન બાકીના નાણાંનો ઉપયોગ વિદેશી ચલણ ખરીદવા અને દૈનિક ખર્ચ માટે ચૂકવણી કરવામાં કરી શકે છે.

લિક્વિડ ફંડ્સની મદદથી ટૂંકા ગાળાના ધ્યેયો માટે આયોજન કરવાનું અનુકૂળ બની જાય છે.