లక్ష్య (గోల్) SIP క్యాలిక్యులేటర్

ఎక్కువ శాతం పెట్టుబడిదారులు తమ పెట్టుబడి ప్రయాణన్ని ప్రారంభించే ముందు నిర్ణీత కాలవ్యవధిలో కొంత మొత్తంలో సంపదను సృష్టించడమే లక్ష్యంగా చేసుకుంటారు. మ్యూచువల్ ఫండ్స్ సిస్టమాటిక్ ఇన్వెస్ట్‌మెంట్ ప్లాన్స్ పరంగా - పెట్టుబడిదారుడు ప్రతి నెల పెట్టుబడి పెట్టాల్సిన SIP మొత్తాన్ని మరియు పెట్టుబడి పెట్టాల్సిన కాల వ్యవధిని నిర్ణయించవచ్చు. 
ఈ SIP ఇన్వెస్ట్‌మెంట్ విశ్లేషణ కోసం - పెట్టుబడిదారులు లక్ష్య ఆధారంగా SIP క్యాలిక్యులేటర్‌ను నిరాటంకంగా ఉపయోగించవచ్చు.

లక్ష్య (గోల్) SIP క్యాలిక్యులేటర్ అంటే ఏమిటి?

లక్ష్య (గోల్) SIP క్యాలిక్యులేటర్ అనేది సులభంగా ఉపయోగించగల ఆన్‌లైన్ సాఫ్ట్‌వేర్ లేదా సాధనం, ఇది మెచ్యూరిటీ విలువ (సంపద సేకరణ లక్ష్యం) గురించి మీరు అర్థం చేసుకోవడంలో సహాయపడుతుంది. ఈ సాధనాన్ని మీ డబ్బును పెట్టుబడి పెట్టడానికి ముందే ఉపయోగించవచ్చు.
ఈ సాధనం మీరు అందించే టార్గెట్ కార్పస్, కాలపరిమితి మరియు రాబడి రేటు వంటి సమాచారంతో ఫలితాన్ని లెక్కించే ప్రీ-ప్రోగ్రామ్డ్ అల్గోరిథం ద్వారా పనిచేస్తుంది. అయితే, ఎస్‌ఐపి (SIP) క్యాలిక్యులేటర్ అనేది మీరు అందించే ఇన్‌పుట్ ఆధారంగా పెట్టుబడి యొక్క కల్పిత భవిష్యత్తు విలువను అంచనా వేస్తుంది మరియు మ్యూచువల్ ఫండ్స్ మార్కెట్ ఒడిదుడుగులకు లోబడి ఉంటుంది కావున దీనికి హామీ ఇవ్వలేము. అందువల్ల, దీనిని ఫ్యూచర్ వాల్యూ క్యాలిక్యులేటర్ అని కూడా అంటారు.

లక్ష్య (గోల్) SIP క్యాలిక్యులేటర్ ఎలా పని చేస్తుంది?

ఎస్‌ఐపి (SIP) క్యాలిక్యులేటర్ ఉపయోగించడానికి సరళమైనది, ఇది మీరు నమోదు చేసిన డేటా పాయింట్ల ద్వారా మీకు SIP విలువను ఇస్తుంది. మీరు ఈ క్రింద వివరించిన దశల ద్వారా లక్ష్య ఆధారిత ఎస్‌ఐపి (SIP) క్యాలిక్యులేటర్ ఉపయోగించవచ్చు:

స్టెప్ 1: మీ SIP పెట్టుబడి ద్వారా మీరు చేరుకోవాలనుకుంటున్న లక్ష్య మొత్తాన్ని నమోదు చేయండి.

స్టెప్ 2: పెట్టుబడి వ్యవధిని ఎంచుకోండి.

స్టెప్ 3: సంవత్సరానికి ఆశించిన రాబడి రేటును (%) ఇన్‌పుట్ చేయండి.

మీ మొత్తం పెట్టుబడి మరియు మీరు పెట్టుబడి పెట్టాల్సిన నెలవారీ SIP మొత్తాన్ని మీరు చూడవచ్చు.

ఒక నిర్దిష్ట లక్ష్యాన్ని చేరుకోవడానికి నెలవారీ SIP మొత్తం మరియు పెట్టుబడి కాలపరిమితిని నిర్ణయించడం చాలా ముఖ్యం, ఈ క్యాలిక్యులేటర్ ఈ వైపుగా మిమ్మల్ని నావిగేట్ చేయగలదు.

లక్ష్య (గోల్) SIP క్యాలిక్యులేటర్ ఉపయోగించడం వల్ల కలిగే ఉపయోగాలు

లక్ష్య (గోల్) SIP క్యాలిక్యులేటర్ ఉపయోగించడం వల్ల కలిగే ప్రయోజనాలు ఏమిటంటే:

1. ఇది ఫ్యూచర్ వాల్యూ క్యాలిక్యులేటర్: ఈ లక్ష్య (గోల్) SIP క్యాలిక్యులేటర్ మీకు పెట్టుబడి యొక్క భవిష్యత్తు విలువలను అందిస్తుంది, మరింత క్రమబద్ధంగా పెట్టుబడి పెట్టడానికి మిమ్మల్ని ప్రేరేపిస్తుంది.

2. ఇది మాన్యువల్ లెక్కింపులు లేకుండా మీ సమయాన్ని ఆదా చేస్తుంది: ఒక నిర్దిష్ట మెచ్యూరిటీ మొత్తాన్ని చేరుకోవడానికి మీరు ప్రతి నెల SIP పద్ధతులలో ఎంత మొత్తాన్ని పెట్టుబడి పెట్టాలి అనే దానిపై మాన్యువల్గా లెక్కించడం సమయంతో కూడుకున్నది. ఈ క్యాలిక్యులేటర్ మీకు శీఘ్ర పరిష్కారాన్ని అందిస్తుంది.

3. ఇది మానవ దోషాన్ని నివారిస్తుంది: మాన్యువల్ లెక్కింపు సమయంలో జరిగే సాధారణ తప్పులను లక్ష్య (గోల్) SIP క్యాలిక్యులేటర్ వాడకంతో నివారించవచ్చు.

4. ఇది పెట్టుబడి ప్రణాళికను నిర్ణయించడానికి మరియు వ్యూహలు వేయడానికి సహాయపడుతుంది: ఒక అంచనా విలువను చేరుకోవడానికి మీరు ప్రతి నెల ఎంత పెట్టుబడి పెట్టాలో అర్థం చేసుకున్నప్పుడు, తదనుగుణంగా మీ పెట్టుబడులను వ్యూహలను వేయడానికి మరియు ప్రణాళికను నిర్ణయించడానికి ఇది మీకు సహాయపడుతుంది.