लहान गुंतवणूकदारांसाठी म्युच्युअल फंड्स ही आदर्श गुंतवणूक आहे का?

लहान गुंतवणूकदारांसाठी म्युच्युअल फंड्स ही आदर्श गुंतवणूक आहे का? zoom-icon

म्युच्युअल फंड सही आहे?

हो! मर्यादित बचत असलेल्या किंवा लहान सुरुवात असलेल्या गुंतवणुकदारांसाठी म्युच्युअल फंड्स हे आदर्श गुंतवणुकीचे साधन आहे.
सेविंग बँक (SB) खाते असणारी जवळजवळ प्रत्येक व्यक्ती म्युचुअल फंड स्कीम्समध्ये गुंतवणूक सुरु करू शकते. दरमहा रु ५००* एवढ्या कमी रकमांमध्येही, म्युचुअल फंड्स नियमित गुंतवणूक करण्याच्या सवयीस प्रोत्साहन देतात.

म्युच्युअल फंड्स मध्ये लहान गुंतवणूकदारांसाठी असलेले इतर फायदे

  1. व्यवहारातील सहजता: गुंतवणूक, मूल्यमापन, व्यवस्थापन आणि  म्युच्युअल फंड्स स्किम ची विक्री करणे ह्या सगळ्यासाध्या प्रक्रिया आहेत.
  2. पूर्ण पारदर्शकता मिळवा: जास्तीत जास्त पारदर्शकता, स्पष्ट प्रकटने, आणि वेळच्या वेळी खाते विवरणे ह्या सर्व गोष्टी एखाद्या छोट्या किंवा प्रथमच गुंतवणूक करणाऱ्या गुंतवणूकदारासाठी महत्त्वाच्या असतात.
  3. व्यावसायिक पातळीवर व्यवस्थापित: तुम्ही असा वैविध्यपूर्ण पोर्टफोलिओ उभारू शकता ज्याचे व्यवस्थापन फंड मॅनेजर्सकडून उच्च व्यावसायिक पातळीवर होते, जे व्यवस्थित संशोधन करून निर्णय घेत असतात.
  4. प्रत्येक गुंतवणूकदाराला समान वागणूक मिळते: म्युचुअल फंड हा रु ५०० गुंतवणाऱ्या व्यक्तिला तिच्या गुंतवणुकीवर तेवढीच उत्तम कामगिरी करून देतो जेवढी तो रु ५ कोटी गुंतवणाऱ्या व्यक्तीला देतो. अशाप्रकारे, छोटा असो वा मोठा, तो प्रत्येक गुंतवणूकदाराच्या स्वारस्याचा विचार करतो. 
  5. रोखता (लिक्विडिटी): रिअल इस्टेट सारख्या गुंतवणुकीच्या पर्यायांच्या विपरीत, गरज असेल तेव्हा म्युच्युअल फंड गुंतवणुकीतून पैसे काढणं खूप सोपे आहे. तुम्ही थेट फंड हाऊसकडे किंवा सेकंडरी बाजारात म्युच्युअल फंडांची विक्री करू शकता.

प्रत्येक गुंतवणुकीत अंगभूत जोखीम असतेच. म्युचुअल फंड्स मध्येसुद्धा गुंतवणुकीशी संबंधित जोखमी असतात उदा. ट्रेडिंग वॉल्यूम, लिक्विडिटी रिस्‍क, इ. पण छोट्या गुंतवणूकदारांना ते अनेक प्रकारचे लाभ मिळवून देतात.

सुरुवातीची गुंतवणुकीची रक्कम कितीही कमी असो किंवा कितीही मर्यादित उद्दिष्ट असो त्याने काहीही फरक पडत नाही, म्युच्युअल फंड्स सही है.

म्युच्युअल फंडातील गुंतवणूक ही बाजारातील जोखीमीच्या अधीन आहेत, योजनेसंबंधित सर्व दस्तऐवज काळजीपूर्वक वाचावेत.

*गुंतवणुकीची किमान रक्कम : अनेक म्युचुअल फंड्स रु ५०० चा किमान एसआयपी करू देतात. परंतु, काही स्कीम्समध्ये गुंतवणुकीसाठी अर्ज करताना जास्त रक्कम द्यावी लागू शकते. 
लॉक-इन कालावधी : म्युचुअल फंड्समध्ये लॉक इन कालावधी असू शकतो. गुंतवणूकदार त्यांच्या गुंतवणुका फक्त लॉक-इन कालावधी संपल्यानंतरच काढून घेऊ शकतात.

456
मी गुंतवणूक करण्यासाठी तयार आहे