डिव्हिडंड डिस्ट्रिब्यूशन टॅक्स म्हणजे काय?

डिव्हिडंड डिस्ट्रिब्यूशन टॅक्स म्हणजे काय?
म्युच्युअल फंड कैलकुलेटर

म्युच्युअल फंड सही आहे?

म्युच्युअल फंड स्किम्स कडून मिळालेला लाभांश गुतंवणूकदारांच्या हातात कर-मुक्त असतो, पण त्यावर डिव्हिडंड डिस्ट्रिब्यूशन टॅक्स (डीडीटी) आकारला जातो. स्किम द्वारे दिल्या जाणाऱ्या डीडीटीमुळे गुंतवणूकदारांसाठी राखून ठेवलेली वितरण-पात्र शिल्लक कमी होते. सध्या इक्विटी-ओरिएंटेड स्किमवर (अशा स्किम ज्यांत इक्विटीचा वाटप >=65% असतो) 10% डीडीटी लागू होतो, तसेच त्यामध्ये 12% अधिभार आणि 4% उपकर यांचाही समावेश असतो, ज्यामुळे सर्व प्रकारच्या गुंतवणूकदारांसाठी, म्हणजेच निवासी भारतीय, एनआरआय आणि देशी कंपनीसाठी डीडीटीचा एकूण दर 11.648% होतो. इक्विटी-ओरिएंटेड नसणाऱ्या स्किमवर 25% डीडीटी लागू होतो, त्यात 12% अधिभार आणि 4% उपकर ह्यांचा समावेश असतो, ज्यामुळे निवासी भारतीयांसाठी आणि एआरआय साठी डीडीटीचा एकूण दर 29.12% होतो.

अधोसंरचना (इन्फ्रास्ट्रक्चर) डेब्ट फंड्स जे पायाभूत सुविधा क्षेत्रामध्ये गुतंवणूक करतात, त्यांवर निवासी भारतीयांसाठी 25% तर एनआरआय साठी 5% डीडीटी असून डीडीटीचा एकूण दर यांच्या साठी अनुक्रमे 29.12% आणि 5.824% होतो.

स्किमने मिळवलेल्या नफ्याच्या रकमेतून लाभांश दिला जात असल्याने डीडीटीच्या अधिक दरामुळे गुंतवणूकदारांसाठी शिल्लक असलेला कर-पश्चात् लाभांश कमी होतो. जर आपल्याला आपल्या म्युच्युअल फंड गुंतवणुकीतून लाभांशाच्या रूपाने मिळकत नको असेल, तर ग्रोथ पर्याय निवडणे सुज्ञपणाचे ठरेल. जर आपल्याला नियमित मिळकत पाहिजे असेल, तर सिस्टेमॅटिक विथड्रॉल प्लॅन (एसडब्ल्यूपी) सुरू करणे अधिक चांगले ठरेल.

454
मी गुंतवणूक करण्यासाठी तयार आहे