म्युच्युअल फंडमधील लाभांश म्हणजे काय?

म्युच्युअल फंडमधील लाभांश म्हणजे काय?
म्युच्युअल फंड कैलकुलेटर

म्युच्युअल फंड सही आहे?

म्युच्युअल फंडमधील लाभांश म्हणजे एखाद्या शेअर किंवा म्युच्युअल फंडच्या नफ्यातील एका भागाचे वितरण. म्युच्युअल फंड स्किम्समध्ये लाभांश तेव्हा वितरित केले जातात जेव्हा फंड आपल्या पोर्टफोलिओमधील सिक्युरिटीज विकून त्यांवर नफा कमावतो.

नियमांप्रमाणे, फंड फक्त त्यांच्या पोर्टफोलिओमधील त्यांने विकलेल्या सिक्युरिटीजवर होणाऱ्या नफ्यामधून किंवा व्याज आणि लाभांशच्या रूपाने मिळणाऱ्या वर्तमान उत्पन्नामधूनच लाभांश देऊ करू शकतो. असा लाभ एक डिव्हिडंड इक्वलायझेशन रिझर्व मध्ये स्थलांतरीत केला जातो, आणि विश्वस्तांच्या निर्णयाप्रमाणे लाभांशाची घोषणा केली जाते.

लाभांशाची गणना नेहमी त्या स्किमच्या दर्शनी मूल्याच्या काही टक्के अशी केली जाते, एनएव्हीवर नाही, आणि याचे प्रकाशन एका आकड्याच्या स्वरूपात केले जाते (संदर्भासाठी नोटीस जोडलेली आहे). उदाहरणार्थ, जर दर युनिटचे दर्शनी मूल्य रु. 10 असेल, आणि लाभांशचा दर 20% असेल, तर लाभांश पर्यायातील प्रत्येक गुंतवणूकदाराला लाभांश म्हणून रु. 2 मिळतील. पण, लाभांश दिल्यावर त्या स्किमचा एनएव्ही तेवढ्याच रकमेने कमी होतो. ग्रोथ पर्यायातील गुंतवणूकदारांना लाभांशाची पात्रता नसते, आणि ग्रोथ पर्यायाच्या एनएव्हीमध्ये कुठलाही बदल होत नाही.

म्युच्युअल फंड स्किम्स मधून मिळणारा लाभांश जरी गुंतवणूकदारांच्या हातात कर-मुक्त असला, तरीही त्यामधून डिव्हिडंड डिस्ट्रिब्यूशन टॅक्स (डीडीटी) वजा केला जातो.

454
मी गुंतवणूक करण्यासाठी तयार आहे