डायरेक्ट प्लान रेग्युलर प्लॅनपेक्षा कसा वेगळा आहे?

कल्पना करा की आपल्याला सुट्ट्यांमध्ये मालदीवला जायचे आहे आणि आपल्याला तिथली फारशी माहिती नाही. आपण आपल्या ट्रिपची आखणी कशी कराल? आपण एखाद्या एजंट कडून आपली ट्रिप बुक करू शकता किंवा अनेक तास घालवून राहाण्याची जागा, दर्शनीय स्थळे, येण्या-जाण्याची सोय इत्यादीची व्यवस्था पाहून नंतर आपल्या ट्रिपचा कार्यक्रम ठरवून मग स्वतः बुकिंग करू शकता. या दोघांमधील फरक असा आहे की एकामध्ये आपण बुकिंगसाठी एखाद्याची मदत घेत आहात, परंतु दुसर्‍यामध्ये आपण सर्वकाही स्वतः करत आहात.

डायरेक्ट आणि रेग्युलर प्लॅनमध्ये असाच फरक आहे. जेव्हा आपण एखाद्या वितरकाच्या माध्यमाने म्युच्युअल फंडमध्ये गुंतवणूक करता, तेव्हा आपले पैसे त्या स्किमच्या रेग्युलर प्लॅनमध्ये गुंतवले जातात. जेव्हा आपण त्या फंड कंपनीसोबत थेट गुंतवणूक करता, तेव्हा आपले पैसे त्या स्किमच्या डायरेक्ट प्लॅन मध्ये गुंतवले जातात. दोन्ही प्लॅन आपल्याला त्याच स्किम आणि पोर्टफोलिओची दारे उघडून देत असले, तरीही त्यांत एनएव्हीचा आणि खर्चाच्या अनुपाताचा फरक असतोच. रेग्युलर प्लॅनमध्ये वितरकाचे कमीशन देणे असल्यामुळे रेग्युलर प्लॅनचा खर्चाचा अनुपात डायरेक्ट प्लॅनच्या तुलनेत अधिक असतो. यामुळे एकाच स्किमच्या रेग्युलर प्लॅनचा एनएव्ही डायरेक्ट प्लॅनच्या एनएव्हीच्या तुलनेत जरा कमी असतो.

जे गुंतवणूकदार रिसर्च करू शकतात आणि स्वतः आपल्या गुंतवणुकीच्या पोर्टफोलिओचे व्यवस्थापन करू शकतात त्यांनी डायरेक्ट प्लॅन निवडावा आणि इतरांसाठी रेग्युलर प्लॅन योग्य असेल.