ETFs ಹಾಗೂ ಮ್ಯೂಚುವಲ್ ಫಂಡ್ಗಳು – ಇವುಗಳ ಮಧ್ಯೆ ವ್ಯತ್ಯಾಸವೇನು?
1 ನಿಮಿಷ 47 ಓದಲು ಸೆಕೆಂಡುಗಳು
ಎಕ್ಸ್ಚೇಂಜ್-ಟ್ರೇಡೆಡ್ ಫಂಡ್ಸ್ (ETFs) ಮತ್ತು ಮ್ಯೂಚುವಲ್ ಫಂಡ್ಗಳೆರಡೂ ಹೂಡಿಕೆ ಆಯ್ಕೆಗಳಾಗಿವೆ. ಆದಾಗ್ಯೂ, ಸಂರಚನೆ, ಕಾರ್ಯಾಚರಣೆ ಮತ್ತು ಟ್ರೇಡಿಂಗ್ ವಿಧಾನಗಳಲ್ಲಿ ವ್ಯತ್ಯಾಸಗಳಿವೆ. ಈ ಎರಡು ಹೂಡಿಕೆ ವಿಧಾನಗಳಲ್ಲಿರುವ ವ್ಯತ್ಯಾಸಗಳನ್ನು ಅರ್ಥಮಾಡಿಕೊಳ್ಳುವುದರಿಂದ ಹೂಡಿಕೆ ಮಾಡುವುದಕ್ಕೂ ಮೊದಲು ಹಣಕಾಸಿನ ಗುರಿಗಳಿಗೆ ಅವು ಸರಿಯಾಗಿ ಹೊಂದಿಕೆಯಾಗುತ್ತದೆಯೇ ಎಂಬುದನ್ನು ತಿಳಿಯಬಹುದು.
ಎಕ್ಸ್ಚೇಂಜ್ ಟ್ರೇಡೆಡ್ ಫಂಡ್ಗಳು ಹಾಗೂ ಮ್ಯೂಚುವಲ್ ಫಂಡ್ಗಳನ್ನು ಅರ್ಥಮಾಡಿಕೊಳ್ಳುವುದು:
- ಎಕ್ಸ್ಚೇಂಜ್ ಟ್ರೇಡೆಡ್ ಫಂಡ್ಗಳು
ಎಕ್ಸ್ಚೇಂಜ್ ಟ್ರೇಡೆಡ್ ಫಂಡ್ಗಳು (ETFs) ಪ್ಯಾಸಿವ್ ಆಗಿ ನಿರ್ವಹಿಸಲಾಗುವ ಹೂಡಿಕೆ ವಿಧಾನಗಳಾಗಿವೆ. ಒಂದು ನಿರ್ದಿಷ್ಟ ಇಂಡೆಕ್ಸ್ ಅನ್ನು, ಉದಾಹರಣೆಗೆ ನಿಫ್ಟಿ 50 ಅಥವಾ ಸೆನ್ಸೆಕ್ಸ್ ಕಾರ್ಯಕ್ಷಮತೆಯನ್ನು ಪ್ರತಿಫಲಿಸುವ ಗುರಿಯನ್ನು ಇವು ಹೊಂದಿರುತ್ತವೆ. ಇವುಗಳನ್ನು ಒಂದು ಇಂಡೆಕ್ಸ್ ಅನ್ನು ಟ್ರ್ಯಾಕ್ ಮಾಡುವುದಕ್ಕೆಂದು ವಿನ್ಯಾಸ ಮಾಡಲಾಗಿದ್ದು, ಫಂಡ್ ಮ್ಯಾನೇಜರ್ ಕ್ರಿಯಾಶೀಲವಾಗಿ ಇದನ್ನು ನಿರ್ವಹಿಸುವುದಿಲ್ಲ. ಹೀಗಾಗಿ, ETFs ಕಡಿಮೆ ವೆಚ್ಚಗಳನ್ನು ಹೊಂದಿರುತ್ತವೆ ಮತ್ತು ತುಲನಾತ್ಮಕವಾಗಿ ಕಡಿಮೆ ಎಕ್ಸ್ಪೆನ್ಸ್ ರೇಷಿಯೋ ಹೊಂದಿರುತ್ತವೆ. ರೆಗ್ಯುಲರ್ ಸೆಕ್ಯುರಿಟಿಗಳ ರೀತಿ ಸ್ಟಾಕ್ ಎಕ್ಸ್ಚೇಂಜ್ಗಳಲ್ಲಿ ನೇರವಾಗಿ ಇಟಿಎಫ್ಗಳನ್ನು ಟ್ರೇಡ್ ಮಾಡಲಾಗುತ್ತದೆ. ಮಾರ್ಕೆಟ್ನ ಬೇಡಿಕೆ ಮತ್ತು ಪೂರೈಕೆಯನ್ನು ಆಧರಿಸಿ ಟ್ರೇಡ್ ಆಗುವ ದಿನದಂದು ಬೆಲೆ ಏರಿಳಿತವಾಗುತ್ತಿರುತ್ತದೆ. ಇದರಿಂದ ETFs ಹೆಚ್ಚು ಫ್ಲೆಕ್ಸಿಬಲ್ ಮತ್ತು ಲಿಕ್ವಿಡ್ ಆಗಿರುತ್ತದೆ. ಇದನ್ನು ಮಾರ್ಕೆಟ್ ಇರುವಾಗ ಹೂಡಿಕೆದಾರರು ಖರೀದಿ ಮಾಡಬಹುದು ಅಥವಾ ಮಾರಾಟ ಮಾಡಬಹುದು. ಆದರೆ, ETFs ಅನ್ನು ಆಯ್ಕೆ ಮಾಡುವುದಕ್ಕೂ ಮೊದಲು ಹೂಡಿಕೆದಾರರಿಗೆ ಮಾರ್ಕೆಟ್ನ ಕಾರ್ಯಾಚರಣೆಗಳ ಮತ್ತು ಏರಿಳಿತಗಳ ಬಗ್ಗೆ ತಿಳಿದಿರಬೇಕು. ಯಾಕೆಂದರೆ, ಇದರ ಪರ್ಫಾರ್ಮೆನ್ಸ್ಗೂ ಅವು ಹಿಂಬಾಲಿಸುವ ಇಂಡೆಕ್ಸ್ಗೂ ನೇರವಾಗಿ ಸಂಬಂಧ ಇರುತ್ತದೆ.
- ಮ್ಯೂಚುವಲ್ ಫಂಡ್ಗಳು
ಇದಕ್ಕೆ ವಿರುದ್ಧವಾಗಿ ಮ್ಯೂಚುವಲ್ ಫಂಡ್ಗಳನ್ನು ಫಂಡ್ ಮ್ಯಾನೇಜರ್ಗಳು ಸಕ್ರಿಯವಾಗಿ ನಿರ್ವಹಿಸುತ್ತಿರುತ್ತಾರೆ. ಇವರು ನಿರ್ದಿಷ್ಟ ಉದ್ದೇಶಗಳನ್ನು ಪೂರೈಸುವುದಕ್ಕಾಗಿ ಹೂಡಿಕೆ ಅಸೆಟ್ಗಳನ್ನು ಆಯ್ಕೆ ಮಾಡುತ್ತಾರೆ ಮತ್ತು ಹೊಂದಾಣಿಕೆ ಮಾಡುತ್ತಾರೆ. ಈ ಫಂಡ್ಗಳು ಈಕ್ವಿಟಿ, ಡೆಟ್ ಅಥವಾ ಇವೆರಡರ ಮಿಶ್ರಣದ ಮೇಲೆ ಗಮನ ಕೇಂದ್ರೀಕರಿಸುತ್ತದೆ. ಫಂಡ್ ಮ್ಯಾನೇಜರ್ಗಳು ಮತ್ತು ಸಕ್ರಿಯ ಮ್ಯಾನೇಜ್ಮೆಂಟ್ನ ಸಕ್ರಿಯ ತೊಡಗಿಸಿಕೊಳ್ಳುವಿಕೆಯಿಂದಾಗಿ, ಮ್ಯೂಚುವಲ್ ಫಂಡ್ಗಳು ಸಾಮಾನ್ಯವಾಗಿ ಅಧಿಕ ಎಕ್ಸ್ಪೆನ್ಸ್ ರೇಷಿಯೋ ಹೊಂದಿರುತ್ತವೆ ಮತ್ತು ನಿರ್ವಹಣೆ ಶುಲ್ಕಗಳೂ ಹೆಚ್ಚಿರುತ್ತವೆ. ನೆಟ್ ಅಸೆಟ್ ವ್ಯಾಲ್ಯೂ (NAV) ಆಧಾರದಲ್ಲಿ ದಿನದ ಕೊನೆಯಲ್ಲಿ ಮ್ಯೂಚುವಲ್ ಫಂಡ್ಗಳ ವಹಿವಾಟನ್ನು ಪ್ರಕ್ರಿಯೆಗೊಳಿಸಲಾಗುತ್ತದೆ ಮತ್ತು ಅಸೆಟ್ ಮ್ಯಾನೇಜ್ಮೆಂಟ್ ಕಂಪನಿಯ ಮೂಲಕ ಹೂಡಿಕೆದಾರರು ನೇರವಾಗಿ ಯುನಿಟ್ಗಳನ್ನು ಖರೀದಿಸುತ್ತಾರೆ ಅಥವಾ ಮಾರಾಟ ಮಾಡುತ್ತದೆ. ಮ್ಯೂಚುವಲ್ ಫಂಡ್ಗಳು ವೃತ್ತಿಪರ ನೆರವು ಮತ್ತು ದೀರ್ಘಕಾಲೀನ ಮ್ಯಾನೇಜ್ಮೆಂಟ್ ಅನ್ನು ನೀಡಬಹುದು. ಹೀಗಾಗಿ, ಮಾರ್ಕೆಟ್ ಸಮಯಕ್ಕಿಂತ ಮುಖ್ಯವಾಗಿ NAV's ವ್ಯಾಲ್ಯೂಯೇಶನ್ ಮೇಲೆ ವಹಿವಾಟುಗಳು ಅವಲಂಬಿಸಿರುವುದರಿಂದ ಇವು ಅಷ್ಟೇನೂ ಫ್ಲೆಕ್ಸಿಬಲ್ ಆಗಿರುವುದಿಲ್ಲ. ಪ್ರೊಫೆಷನಲ್ ಮ್ಯಾನೇಜ್ಮೆಂಟ್ ಸೌಲಭ್ಯ ಇದ್ದರು, ಮ್ಯೂಚುವಲ್ ಫಂಡ್ ಹೂಡಿಕೆಯ ಫಲಿತಾಂಶವು ಖಾತರಿಯಾಗಿರುವುದಿಲ್ಲ ಎಂಬುದನ್ನು ಗಮನಿಸಿ.
ETFs ಮತ್ತು ಮ್ಯೂಚುವಲ್ ಫಂಡ್ಗಳ ವ್ಯತ್ಯಾಸವೇನೆಂದರೆ, ತಮ್ಮ ಗುರಿಗಳಿಗೆ ಅನುಗುಣವಾಗಿ ಆಯ್ಕೆಗಳನ್ನು ಆರಿಸಿಕೊಳ್ಳಲು ಹೂಡಿಕೆದಾರರಿಗೆ ಅನುವು ಮಾಡುತ್ತವೆ. ವೆಚ್ಚ ಕಡಿಮೆ ಮಾಡುವುದು, ಟ್ರೇಡಿಂಗ್ ಫ್ಲೆಕ್ಸಿಬಿಲಿಟಿ ಮತ್ತು ಇಂಡೆಕ್ಸ್ ಲಿಂಕ್ ಮಾಡಿದ ಕಾರ್ಯಕ್ಷಮತೆಗೆ ಹೆಚ್ಚಿನ ಗಮನಹರಿಸಿದವರಿಗೆ ETFs ಹೆಚ್ಚು ಆಕರ್ಷಕವಾಗಿರುತ್ತದೆ. ಇನ್ನು, ತಮ್ಮ ಹೂಡಿಕೆಗೆ ವೃತ್ತಿಪರ ನಿರ್ವಹಣೆ ಬೇಕು ಎನ್ನುವ ಹೂಡಿಕೆದಾರರಿಗೆ ಮ್ಯೂಚುವಲ್ ಫಂಡ್ಗಳು ಆದ್ಯತೆಯದ್ದಾಗಿರಬಹುದು.
ಹಕ್ಕು ನಿರಾಕರಣೆ: ಮ್ಯೂಚುಯಲ್ ಫಂಡ್ ಹೂಡಿಕೆಗಳು ಮಾರುಕಟ್ಟೆ ಅಪಾಯಗಳಿಗೆ ಒಳಪಟ್ಟಿರುತ್ತವೆ, ಎಲ್ಲಾ ಯೋಜನೆ ಸಂಬಂಧಿತ ದಾಖಲಾತಿಗಳನ್ನು ಜಾಗ್ರತೆಯಿಂದ ಓದಿರಿ.