എന്താണ് ഒരു ഗ്രോത്ത് ഫണ്ട്?

മൂലധന വിലയിരുത്തലിനായി നിർമ്മിച്ച ഒരു തരം നിക്ഷേപ സ്കീമാണ് ഗ്രോത്ത് ഫണ്ട്. അതിനാൽ, ദീർഘകാലാടിസ്ഥാനത്തിൽ സമ്പത്ത് വർദ്ധിപ്പിക്കാൻ ആഗ്രഹിക്കുന്ന നിക്ഷേപകർ നിക്ഷേപിക്കാൻ താൽപ്പര്യമുണർത്തുന്ന ഒരു ഓപ്ഷനായി ഗ്രോത്ത് ഫണ്ടിനെ കാണുന്നു. അത്തരം ഫണ്ടുകൾ കൂടുതലും ഇക്വിറ്റി ഓഹരികൾ പോലുള്ള വളർച്ചയ്ക്കായി രൂപകൽപ്പന ചെയ്ത ആ ആസ്തികളിൽ നിക്ഷേപിക്കുന്നു. കാരണം അവയുടെ മൂല്യം ഒരു നിശ്ചിത കാലയളവിൽ ഉയരുമെന്ന് വിശ്വസിക്കപ്പെടുന്നു. ഗ്രോത്ത് ഫണ്ടുകൾ സ്ഥിരമായ ഇടവേളകളിൽ വരുമാനം നൽകുന്നതിനുപകരം മൂലധനത്തിലെ ലാഭത്തിൽ ശ്രദ്ധ കേന്ദ്രീകരിക്കുന്നു. 

നിങ്ങൾ ഗ്രോത്ത് ഫണ്ടുകളിൽ നിക്ഷേപിക്കുമ്പോൾ, യഥാർത്ഥത്തിൽ നിങ്ങൾ മൂല്യം വിലമതിപ്പ് (വർദ്ധിക്കുന്ന) പ്രതീക്ഷിക്കുന്ന ഇക്വിറ്റി ഓഹരികളുടെ ഒരു പോർട്ട്ഫോളിയോ വാങ്ങുകയാണ് ചെയ്യുന്നത്.        

സാധാരണയായി ഇവ കമ്പനികളുടെ ഓഹരികളാണ് - അവ വളർന്നുകൊണ്ടിരിക്കുന്നു അല്ലെങ്കിൽ ഭാവിയിൽ വളരുമെന്ന് പ്രതീക്ഷിക്കപ്പെടുന്നു. ഭാവിയിൽ ഈ കമ്പനികൾ വളരുമ്പോൾ, അവയുടെ ഓഹരികളുടെ വില വർദ്ധിക്കുകയും ഗ്രോത്ത് ഫണ്ടിന്റെ മൂല്യം വർദ്ധിക്കുകയും ചെയ്യും എന്നതാണ് ഇതിന്റെ അടിസ്ഥാന ആശയം.  

എന്നിരുന്നാലും, ഗ്രോത്ത് ഫണ്ടുകളിൽ നിക്ഷേപിക്കുമ്പോൾ ക്ഷമയോടെ കാത്തിരിക്കുകയും ഇടത്തരം മുതൽ ദീർഘകാല വീക്ഷണം ഉണ്ടായിരിക്കുകയും വേണം, കാരണം ഈ ഫണ്ടുകളിൽ നിന്നുള്ള വരുമാനം ഇക്വിറ്റി വിപണിയുടെ പ്രകടനവുമായി ബന്ധപ്പെട്ടിരിക്കുന്നു. ഇത് ഹ്രസ്വകാലാടിസ്ഥാനത്തിൽ അസ്ഥിരമാകാം. ആസ്തി വിഭാഗം എന്ന നിലയിൽ ഇക്വിറ്റി ദീർഘകാലാടിസ്ഥാനത്തിൽ മറ്റ് നിക്ഷേപങ്ങളെ മറികടന്നിട്ടുണ്ടെങ്കിലും, അത്തരം നിക്ഷേപങ്ങളുടെ മൂല്യം, പ്രത്യേകിച്ച് ഹ്രസ്വകാല ഇടവേളകളിൽ ഗണ്യമായ ഉയർച്ചയും താഴ്ചക്കും സാക്ഷ്യം വഹിക്കുന്നു. 

ഗ്രോത്ത് ഫണ്ടുകളിൽ നിക്ഷേപിക്കുന്നതിന് മുമ്പ് നിങ്ങൾ പരിഗണിക്കേണ്ട ഏറ്റവും പ്രധാനപ്പെട്ട കാര്യങ്ങളിൽ ഒന്നാണ് മുകളിൽ സൂചിപ്പിച്ചത്. ഒരു ഗ്രോത്ത് ഫണ്ടിലെ അടിസ്ഥാന ഇക്വിറ്റി ഓഹരികളുടെ മൂല്യങ്ങളെ വിപണി വികാരങ്ങൾ, സാമ്പത്തിക സാഹചര്യങ്ങൾ, കമ്പനിയുടെ പ്രകടനം എന്നിവയടക്കം മറ്റ് നിരവധി കാര്യങ്ങൾ ബാധിച്ചേക്കാം. തൽഫലമായി, ഗ്രോത്ത് ഫണ്ടുകളിലെ വരുമാനം ഹ്രസ്വകാലാടിസ്ഥാനത്തിൽ വളരെ ചാഞ്ചാട്ടമുള്ളതാകാം, അത് ചിലപ്പോൾ ഇടക്കാല നഷ്ടത്തിന് കാരണമാകും. 

മൂലധന വിലമതിപ്പിലൂടെ സമ്പത്ത് സൃഷ്ടിക്കുന്നതിനുള്ള മികച്ച മാർഗ്ഗമാണ് ഗ്രോത്ത് ഫണ്ടുകൾ, പ്രത്യേകിച്ചും നിങ്ങൾക്ക് ദീർഘകാല നിക്ഷേപ കാലാവധി ഉണ്ടെങ്കിൽ. ഹ്രസ്വകാല അസ്ഥിരതയുടെ നഷ്ടസാധ്യതയോടെയാണ് അവ വരുന്നത്. എന്നാൽ ദീർഘകാലാടിസ്ഥാനത്തിൽ ഉയർന്ന വരുമാനം സൃഷ്ടിക്കാനുള്ള അവയുടെ കഴിവ് വിപണിയിലെ ഉയർച്ചയും താഴ്ചയും നേരിടാൻ കഴിയുന്ന നിക്ഷേപകർക്ക് അവയെ ആകർഷകമാക്കുന്നു. 

നിങ്ങൾ ഹ്രസ്വകാല നഷ്ടങ്ങളിൽ ആശങ്കപ്പെടാൻ സാധ്യതയുള്ള ഒരാളാണെങ്കിൽ, ഗ്രോത്ത് ഫണ്ടുകൾ നിങ്ങൾക്ക് മികച്ച ഓപ്ഷനായിരിക്കില്ല. എന്നിരുന്നാലും, നിങ്ങൾ വിപണിയുടെ ഉയർച്ച താഴ്ചകളിലൂടെ കടന്നുപോകാൻ തയ്യാറായ ഒരു ക്ഷമയുള്ള നിക്ഷേപകനാണെങ്കിൽ, ഗ്രോത്ത് ഫണ്ടുകൾ കാലക്രമേണ ഒരു ലാഭകരമായ നിക്ഷേപമായിരിക്കും. 
 

നിരാകരണം 

മ്യൂച്ച്വൽ ഫണ്ട് നിക്ഷേപങ്ങൾ വിപണിയിലെ നഷ്ട സാധ്യതകൾക്ക് വിധേയമാണ്, സ്കീം സംബന്ധിച്ചുള്ള എല്ലാ രേഖകളും ശ്രദ്ധാപൂർവ്വം വായിക്കുക.