મ્યુચ્યુઅલ ફંડ માટેનું કેપિટલ ગેઇન્સનું સ્ટેટમેન્ટ કેવી રીતે મેળવવું?
1 મિનિટ 56 સેકન્ડનું વાંચન
મ્યુચ્યુઅલ ફંડના કેપિટલ ગેઇન્સ/લૉસનું સ્ટેટમેન્ટ એ એક મહત્વનો દસ્તાવેજ છે, જેમાં એક ચોક્કસ સમયગાળામાં તમે પ્રાપ્ત કરેલા નફા કે ખોટનો સારાંશ આપવામાં આવેલો હોય છે. તે નફા કે નુકસાનની વિગતો પૂરી પાડે છે, જે ટેક્સ ફાઇલ કરવા માટે અને તમારા રોકાણોનું મૂલ્યાંકન કરવા માટે ખૂબ જ મહત્વપૂર્ણ છે. સામાન્ય રીતે તેમાં આ પ્રકારની માહિતીનો સમાવેશ થાય છેઃ
- એસેટ ક્લાસ (ઇક્વિટી, ડેટ કે અન્ય કોઈ કેટેગરી)
- નફાનો પ્રકાર (લાંબાગાળાનો કે ટૂંકાગાળાનો)
- ટ્રાન્ઝેક્શનની વિગતો
- ચોખ્ખો નફો કે ખોટ
અહીં જણાવ્યાં પ્રમાણે તમે વિવિધ પદ્ધતિઓનો ઉપયોગ કરીને તમારા કેપિટલ ગેઇન્સનું સ્ટેટમેન્ટ મેળવી શકો છોઃ
મ્યુચ્યુઅલ ફંડ હાઉસિસ
મ્યુચ્યુઅલ ફંડ કંપનીના પોર્ટલ પરથી તમારા કેપિટલ ગેઇન્સનું સ્ટેટમેન્ટ ચેક કરવા માટેઃ
> તમારી મ્યુચ્યુઅલ ફંડ કંપનીની સત્તાવાર વેબસાઇટ પર જાઓ.
> તમારા યુઝર આઇડી કે ફોલિયો નંબરનો ઉપયોગ કરી લૉગ ઇન કરો.
> તમારો કેપિટલ ગેઇન્સનો રીપોર્ટ ડાઉનલૉડ કરો.
CAMS પોર્ટલ
CAMS મારફતે તમારા કેપિટલ ગેઇનનું સ્ટેટમેન્ટ મેળવવા માટેઃ
> www.camsonline.com ની મુલાકાત લો અને તેના નિયમો અને શરતોને સ્વીકારો.
> ‘રોકાણકારો માટેની સેવાઓ’ પર જાઓ અને સ્ટેટમેન્ટની નીચે ‘વધુ દર્શાવો’ પર ક્લિક કરો.
> ‘કેપિટલ ગેઇન્સ/લૉસ સ્ટેટમેન્ટ’ને પસંદ કરો.
> તમારા પાન અને નોંધણી પામેલા ઈ-મેઇલ આઇડી વડે ફૉર્મ ભરો.
> તમારી જરૂરિયાત મુજબનું નાણાકીય વર્ષ પસંદ કરો (ત્રણ સળંગ વર્ષો સુધી).
> ડ્રોપડાઉન લિસ્ટમાંથી તમારા મ્યુચ્યુઅલ ફંડ હોલ્ડિંગને પસંદ કરો અથવા ‘તમામ મ્યુચ્યુઅલ ફંડ્સ’ પસંદ કરો
> ‘એન્ક્રીપ્ટ કરેલા એટેચમેન્ટને ઈ-મેઇલ કરો’ દ્વારા ડીલિવરી પસંદ કરો.
> એટેચમેન્ટ માટે પાસવર્ડ સેટ કરો અને ફૉર્મને સબમિટ કરો.
> તમારા ઈ-મેઇલમાં એન્ક્રીપ્ટ કરેલું પીડીએફ સ્ટેટમેન્ટ મેળવો, જેને તમે તમારા દ્વારા સેટ કરવામાં આવેલા પાસવર્ડ વડે ઍક્સેસ કરી શકો છો.
KFintech પોર્ટલ
કાર્વી મારફતે તમારું કેપિટલ ગેઇન સ્ટેટમેન્ટ ઍક્સેસ કરવા માટેઃ
> https://mfs.kfintech.com/mfs/ની મુલાકાત લો
> લૉગઇનના ડ્રોપડાઉન મેનૂમાંથી ‘રીટેઇલ ઇન્વેસ્ટર’ને પસંદ કરો
> ‘રોકાણકારના સ્ટેટમેન્ટ અને રીપોર્ટ’ પર જાઓ અને ‘કેપિટલ ગેઇન્સ સ્ટેટમેન્ટ’ને પસંદ કરો.
> ‘કોન્સોલિડેટેડ કેપિટલ ગેઇન્સ સ્ટેટમેન્ટ’ને પસંદ કરો.
> તમારી વિગતો વડે ફૉર્મ ભરો, તમારી ઇચ્છા મુજબનું નાણાકીય વર્ષ પસંદ કરો, તમારા મ્યુચ્યુઅલ ફંડ હોલ્ડિંગ્સને પસંદ કરો, ‘એન્ક્રીપ્ટેડ એટેચમેન્ટને ઈ-મેઇલ કરો’ દ્વારા ડીલિવરી પસંદ કરો, પાસવર્ડ સેટ કરો અને સબમિટ કરો.
> એકવાર પ્રક્રિયા પૂરી થઈ ગયાં પછી તમને તમારા ઈ-મેઇલમાં સ્ટેટમેન્ટ પ્રાપ્ત થઈ જશે.
ઓનલાઇન પ્લેટફૉર્મ્સ
ઘણાં રોકાણકારો તેમના મ્યુચ્યુઅલ ફંડ રોકાણનું વ્યવસ્થાપન કરવા માટે વિવિધ પ્રકારના ઓનલાઇન પ્લેટફૉર્મ્સનો ઉપયોગ કરતાં હોય છે, જે ખૂબ જ સરળતાથી કેપિટલ ગેઇન્સ સ્ટેટમેન્ટ પૂરું પાડે છે.
તમે અહીં જણાવ્યાં પ્રમાણે પોતાનું સ્ટેટમેન્ટ મેળવી શકો છોઃ
> તમારી પસંદગીના ઓનલાઇન પ્લેટફૉર્મની વેબસાઇટ કે એપની મુલાકાત લો અને તેમાં લૉગ ઇન કરો.
> ‘પોર્ટફોલિયો’ કે ‘રીપોર્ટ્સ’ના વિભાગમાં જાઓ. ‘કેપિટલ ગેઇન્સ સ્ટેટમેન્ટ’ નામના વિકલ્પને શોધો.
> ચોક્કસ નાણાકીય વર્ષ અથવા તો તમારી ઇચ્છા મુજબના સમયગાળાને પસંદ કરો.
> એકવાર તેને પસંદ કર્યા બાદ, તમે સામાન્ય રીતે પીડીએફ ફોર્મેટમાં આ સ્ટેટમેન્ટને જનરેટ કરી શકો છો અથવા ડાઉનલૉડ કરી શકો છો.
અસ્વીકરણ
મ્યુચ્યુઅલ ફંડ્સમાંનાં રોકાણો બજારનાં જોખમોને આધિન છે, સ્કીમ સંબંધિત બધા જ દસ્તાવેજો કાળજીપૂર્વક વાંચો.