ETFகளுக்கும் மியூச்சுவல் ஃபண்டுகளுக்கும் என்ன வேறுபாடு?

எக்ஸ்சேஞ்ச் டிரேடட் ஃபண்டுகள் (ETFகள்), மியூச்சுவல் ஃபண்டுகள் ஆகிய இரண்டுமே, இரண்டு முதலீட்டு வழிகளாகும். இருந்தாலும், அமைப்பு, செயல்படும் விதம், டிரேடிங் செய்யப்படும் முறைகள் ஆகியவற்றில் அவை வேறுபடுகின்றன. இந்த இரண்டு முதலீட்டு வழிகளுக்குள்ள வேறுபாடுகளைப் புரிந்துகொள்வது, முதலீடு செய்வதற்கு முன் உங்கள் நிதி இலக்குகளுக்கு ஏற்ப முடிவெடுக்க உங்களுக்கு உதவும்.  

எக்ஸ்சேஞ்ச் டிரேடட் ஃபண்ட்களையும்ஃபண்டுகளையும் மியூச்சுவல் ஃபண்டுகளையும் புரிந்துகொள்ளுதல்: 

• எக்ஸ்சேஞ்ச் டிரேடட் ஃபண்டுகள் 
  எக்ஸ்சேஞ்ச் டிரேடட் ஃபண்டுகள் (ETFகள்) என்பவை Nifty 50, Sensex போன்ற குறிப்பிட்ட இன்டெக்ஸ்களின் செயல்பாட்டை அப்படியே பிரதிபலிப்பதை நோக்கமாகக் கொண்ட, அதிக செயல்பாடு இல்லாமல் நிர்வகிக்கப்படும் முதலீட்டு வழிகளாகும். ஃபண்ட் மேனேஜர் முடிவுகளை எடுக்க வேண்டிய அவசியம் இல்லாமல், ஒரு இன்டெக்ஸை டிராக் செய்யும் வகையில் ETFகள் வடிவமைக்கப்பட்டுள்ளதால், இவற்றுக்கான இயக்கச் செலவுகள் குறைவு, இதனால் ஒப்பீட்டில் இவற்றின் செலவு விகிதமும் குறைவாக உள்ளது. ETFகள் வழக்கமான செக்யூரிட்டிகளைப் போலவே ஸ்டாக் எக்ஸ்சேஞ்சில் டிரேடிங் செய்யப்படுகின்றன. மார்க்கெட்டில் நிலவும் டிமாண்ட் மற்றும் சப்ளையின் அடிப்படையில் நாள் முழுதும் இவற்றின் விலைகளும் ஏறி இறங்கிக்கொண்டு இருக்கும். இதனால் முதலீட்டாளர்கள் மார்க்கெட் செயல்படும் நேரத்தில் இவற்றை வாங்கலாம், விற்கலாம் என்பதால் ETFகள் அதிக நெகிழ்த்தன்மை கொண்ட, லிக்விட் தன்மை கொண்ட முதலீடுகளாக உள்ளன. இருந்தாலும், ETFகளின் செயல்பாடு அவை டிராக் செய்யும் இன்டெக்ஸைச் சார்ந்து இருப்பதால், இவற்றைத் தேர்வு செய்யும் முன்பு மார்க்கெட் செயல்பாடுகள் பற்றியும் ஏற்ற இறக்கங்கள் பற்றியும் முதலீட்டாளர்கள் தெரிந்துகொள்ள வேண்டும். 
   
• மியூச்சுவல் ஃபண்டுகள் 
  மாறாக, மியூச்சுவல் ஃபண்டுகள் ஃபண்ட் மேனேஜர்களால் தொடர்ந்து நிர்வகிக்கப்படுகின்றன. குறிப்பிட்ட நோக்கங்களை அடைவதற்கு ஏற்ப இவர்கள் முதலீட்டின் அசெட்டுகளைத் தேர்ந்தெடுப்பார்கள், அவற்றில் தேவையான மாற்றங்களைச் செய்வார்கள். இந்த ஃபண்டுகள் ஈக்விட்டி, டெப்ட் அல்லது இரண்டின் கலவையில் கவனம் செலுத்தும். ஃபண்ட் மேனேஜர்களின் நேரடி ஈடுபாடு மற்றும் தொடர்ச்சியான நிர்வகிப்பின் காரணமாக, பொதுவாக மியூச்சுவல் ஃபண்டுகளின் செலவு விகிதமும் நிர்வாகக் கட்டணங்களும் அதிகமாக இருக்கும். மியூச்சுவல் ஃபண்டுகளில் செய்யப்படும் பரிவர்த்தனைகள் நெட் அசெட் வேல்யூவின் (NAV) அடிப்படையில் நாளின் இறுதியில் செயலாக்கப்படும், முதலீட்டாளர்கள் அசெட் மேனேஜ்மென்ட் நிறுவனத்தின் வழியாக யூனிட்டுகளை வாங்கலாம், விற்கலாம். மியூச்சுவல் ஃபண்டுகள் தொழில்முறை உதவியையும் நீண்டகால நிர்வாகத்தையும் வழங்கினாலும், பரிவர்த்தனைகள் மார்க்கெட் நேரத்தைச் சார்ந்தில்லாமல் NAV-இன் மதிப்பீட்டைச் சார்ந்திருப்பதால் இவற்றின் நெகிழ்த்தன்மை குறைவு. தொழில்முறை நிர்வகிப்பு கிடைக்கிறது என்றாலும், மியூச்சுவல் ஃபண்ட் முதலீடுகளின் பலன்களுக்கு உத்தரவாதம் கிடையாது என்பதை மனதில் கொள்ள வேண்டியது முக்கியம். 

ETFகளுக்கும் மியூச்சுவல் ஃபண்டுகளுக்கும் உள்ள வேறுபாடுகளைக் கருத்தில் கொண்டு யோசிப்பதால், முதலீட்டாளர்கள் தங்கள் இலக்குகளுடன் பொருந்துகின்ற ஒன்றைத் தேர்வுசெய்ய உதவியாக இருக்கும். செலவுகளைக் குறைப்பது, டிரேடிங் செய்வதில் நெகிழ்த்தன்மை, இன்டெக்ஸ் சார்ந்த செயல்பாடு போன்றவற்றில் கவனம் செலுத்துபவர்களுக்கு ETFகள் சிறந்த வழியாகத் தெரியும். ஆனால் தங்கள் முதலீடுகளுக்கு தொழில்முறை நிர்வாகச் சேவையை எதிர்பார்க்கும் முதலீட்டாளர்களுக்கு மியூச்சுவல் ஃபண்டுகள் விருப்பமான தேர்வாக இருக்கலாம். 

பொறுப்புதுறப்பு: பரஸ்பர நிதி முதலீடுகள் சந்தை அபாயங்களுக்கு உட்பட்டவை, திட்டம் சம்பந்தமான எல்லா ஆவணங்களையும் கவனமாக வாசிக்கவும்.