மியூச்சுவல் ஃபண்டுகளில் அசெட் மேனேஜ்மென்ட் கம்பெனி (AMC) என்பது என்ன?
2 நிமிடம் 28 வினாடி வாசிப்பு
அசெட் மேனேஜ்மென்ட் கம்பெனி (AMC) என்பது, மியூச்சுவல் ஃபண்டுகளின் மூலம் பல்வேறு வகையான முதலீட்டாளர்களிடம் இருந்து திரட்டிய முதலீடுகளை நிர்வகிப்பதில் நிபுணத்துவம் பெற்ற நிதி நிறுவனமாகும். இந்த நிறுவனங்கள் திரட்டிய நிதிகளை பின்வருபவை போன்ற பல்வேறு வகை அசெட்டுகளில் ஒதுக்கீடு செய்யும்:
- ஈக்விட்டிகள்
- டெப்ட் இன்ஸ்ட்ருமென்ட்டுகள்
- ஹைப்ரிட் போர்ட்ஃபோலியோக்கள்
மியூச்சுவல் ஃபண்ட் ஸ்கீமின் குறிக்கோளைப் பொறுத்து இந்த ஒதுக்கீடு அமைந்திருக்கும்.
இந்தியாவில், இவற்றின் செயல்பாடுகளை நிர்வகிக்கின்ற ஒழுங்குமுறைக் கட்டமைப்பை செக்யூரிட்டிஸ் எக்ஸ்சேஞ்ச் போர்டு ஆஃப் இந்தியா (SEBI) வரையறுக்கிறது, அதன் வழிகாட்டல்கள் பின்பற்றப்படுவதை உறுதிசெய்கிறது.
தொழில்முறை நிதி மேலாண்மையும், ஸ்கீம்களில் குறிப்பிட்ட இலக்குகளை அடைவதற்கு ஏற்ப உத்தி சார்ந்த ஒதுக்கீட்டைச் செய்வதும் AMC-இன் முக்கியமான பொறுப்புகளாகும். AMCகள் விவரமான முதலீட்டு முடிவுகளை எடுப்பதற்காக, மார்க்கெட் ஆராய்ச்சிகளைப் பயன்படுத்திக் கொள்ளத் தெரிந்த ஃபண்ட் மேனேஜர்கள் உள்ளிட்ட நிபுணர்களைப் பணியமர்த்திச் செயல்படுகின்றன. முதலீட்டாளர்கள் தாமே முதலீடுகளை நிர்வகிப்பதுடன் ஒப்பிடும்போது குறைந்த செலவில் ஒரு டைவர்சிஃபை செய்யப்பட்ட போர்ட்ஃபோலியோவைப் பெற இந்தத் தொழில்முறை நிபுணத்துவம் உதவுகிறது. இருந்தாலும் இதுவும் ரிட்டர்ன்களுக்கு உத்தரவாதம் அளிப்பதில்லை.
AMCகள் கடுமையான இணக்க நடவடிக்கைகளைப் பின்பற்றும், மேலும் போர்ட்ஃபோலியோ விவரங்கள், செயல்திறன் அளவீடுகள், செலவு விகிதங்கள் உள்ளிட்ட அத்தியாவசியமான தகவல்களை குறிப்பிட்ட கால இடைவெளிகளில் வெளியிட வேண்டியது அவசியம். இவற்றின் செயல்பாடுகளில் வெளிப்படைத்தன்மை காரணமாக, முதலீட்டாளர்கள் விவரமான முடிவுகளை எடுக்கவும், தங்கள் நிதி இலக்குகள் ஃபண்டின் குறிக்கோளுடன் பொருந்துகிறதா என்று சரிபார்க்கவும் முடிகிறது.
அதற்கும் மேல், ஆக்ட்டிவ் மற்றும் பேசிவ் ஃபண்டுகள் என்ற இரண்டு வகைகளில் மியூச்சுவல் ஃபண்ட் ஸ்கீம்களை AMCகள் வழங்குகின்றன.
- ஆக்ட்டிவ் ஃபண்டுகள் தொடர்ச்சியாக செயல்பட்டு செக்யூரிட்டிகளைத் தேர்ந்தெடுப்பதன் மூலம் மார்க்கெட்டைவிட சிறப்பாகச் செயல்படுவதைக் குறிக்கோளாகக் கொண்டுள்ளன.
- பேசிவ் ஃபண்டுகள், அவை சார்ந்துள்ள இன்டெக்ஸைப் பிரதிபலிக்கின்றன, வழக்கமாக இவை செலவு குறைவானவை.
AMC மூலம் முதலீடு செய்யும்போது, வெளிப்படையான சில படிகள் உள்ளன. இந்தச் செயல்முறை இப்படித் தொடங்குகிறது:
- உங்கள் நிதி இலக்குகளுக்குப் பொருந்துகின்ற மியூச்சுவல் ஃபண்ட் ஸ்கீமைத் தேர்ந்தெடுங்கள்.
- உங்கள் ரிஸ்க் தாங்கும் திறன் மற்றும் முதலீட்டுக் கால வரம்புகளைப் புரிந்துகொள்ளுதல்.
- அதற்கேற்ப நிதிகளை மதிப்பீடு செய்தல்.
- நோ யுவர் கஸ்டமர் (KYC) செயல்முறையை நிறைவுசெய்தல்.
- ஆவணங்களைச் சமர்ப்பித்தல் - PAN கார்டு, அடையாளச் சான்று, முகவரிச் சான்று மற்றும் AMC கேட்கும் பிற ஆவணங்கள்.
- AMC-இன் இணையதளம்/செயலியின் வழியாக உள்நுழைந்து, மியூச்சுவல்களை நேரடியாக வாங்கலாம் விற்கலாம்.
- மாறாக, மியூச்சுவல் ஃபண்ட் டிஸ்ட்ரிபியூட்டர் (MFD) மூலமாக முதலீடு செய்யத் தேர்வுசெய்யலாம். மியூச்சுவல் ஃபண்ட் டிஸ்ட்ரிபியூட்டர் தனிநபர்களுக்கு ஏற்ற வழிகாட்டல்களை வழங்கி, ஃபண்டுகளைத் தேர்ந்தெடுப்பதிலும் முதலீட்டுச் செயல்முறையை சரியாக நிறைவுசெய்யவும் உதவுவார்.
தனிநபர்கள், நிறுவனங்கள் என இரு வகை முதலீட்டாளர்களுக்கும் ஃபண்ட் முதலீடுகளை எளிதில் அணுகக்கூடியவையாக்கவும் சீராக்கவும் உதவுவதன் மூலம், செயல்திறன் மிக்க மற்றும் தொழில்முறை ஃபண்ட் நிர்வாகத்திற்கு AMCகள் முக்கியப் பங்கு வகிக்கின்றன. இருந்தாலும், மியூச்சுவல் ஃபண்ட் முதலீடுகள் மார்க்கெட் ரிஸ்க்குகளுக்கு உட்பட்டவை, முதலீடு செய்வதற்கு முன் ஸ்கீம் தொடர்பான ஆவணங்கள் அனைத்தையும் படிப்பது அவசியமாகும். AMCகளின் செயல்பாடுகளையும் ஒழுங்குமுறைக் கட்டமைப்பையும் புரிந்துகொள்வதன் மூலம், முதலீட்டாளர்கள் விவரமான முதலீட்டு முடிவுகளை எடுக்கலாம், அவர்களது நிதி இலக்குகளுக்கு ஏற்ப முதலீடுகளைச் சீரமைக்கலாம்.
பொறுப்புதுறப்பு: பரஸ்பர நிதி முதலீடுகள் சந்தை அபாயங்களுக்கு உட்பட்டவை, திட்டம் சம்பந்தமான எல்லா ஆவணங்களையும் கவனமாக வாசிக்கவும்.