એસઆઇપી અથવા લમ્પસમમાંથી મારે શું પસંદ કરવું જોઇએ?

એસઆઇપી અથવા લમ્પસમમાંથી મારે શું પસંદ કરવું જોઇએ?
મ્યુચ્યુઅલ ફંડ્સ કેલ્ક્યુલેટર્સ

મ્યુચ્યુઅલ ફંડ્ઝ સહી હે??

એસઆઇપીમાં રોકાણ કરવું કે એક-વખતનું (લમ્પસમ) રોકાણ કરવું? તેની પસંદગી મ્યુચ્યુઅલ ફંડ્ઝ અંગેની તમારી જાણકારી, તમે રોકાણ કરવા માગતા હોય તે ફંડ અને તમારા ધ્યેય પર આધાર રાખે છે. જો તમે તમારા ધ્યેય માટે પર્યાપ્ત મૂડી એકત્રિત કરવા માટે નિયમિતપણે રોકાણ કરવા માગતા હોય તો એસઆઇપી મારફતે યોગ્ય ઇક્વિટી સ્કિમમાં રોકાણ કરો. ઉદાહરણ તરીકે જો તમે તમારી માસિક આવકમાંથી બચત કરવા માગતા હોય અને તમે એવા વિકલ્પમાં રોકાણ કરવા માગતા હોય જે તમારા નાણાંની નોંધપાત્ર વૃદ્ધિ કરી શકે, જેથી તે લાંબા ગાળે તમારા બાળકનાં ઉચ્ચ શિક્ષણને ભંડોળ પૂરું પાડવા માટે પૂરતા બને તો તેનો ઉત્તર એસઆઇપી છે. જો જરૂર લાગે તો ફંડ સલાહકાર પાસેથી સલાહ મેળવો.

જો તમારી પાસે હાલમાં વધારાની રોકડ હોય જેવી કે બોનસ, સંપત્તિનાં વેચાણમાંથી પ્રાપ્ત થયેલી આવક કે નિવૃત્તિનું કોર્પસ, પરંતુ તેનો ઉપયોગ કેવી રીતે કરવો એ અંગે અનિશ્ચિત હોય તો ડેટ કે લિક્વિડ ફંડમાં લમ્પસમનાં રોકાણનો વિકલ્પ પસંદ કરો. ઇક્વિટીલક્ષી સ્કિમ્સમાં રોકાણ કરવા માટે એસઆઇપીની સલાહ આપવામાં આવે છે, જ્યારે લમ્પસમ ડેટ ફંડ્ઝ માટે વધુ યોગ્ય છે. જો તમે મ્યુચ્યુઅલ ફંડ્ઝમાં રોકાણ કરવા માટે નવા હોય તો તમારા માટે એસઆઇપી યોગ્ય છે. એસઆઇપી લાભદાયક સાબિત થાય તે માટે તેને નોંધપાત્ર લાંબી અવધિની જરૂર હોય છે. જો બજાર તેજીમય વલણ ધરાવતું હોય અને તે લાંબા સમય સુધી જારી રહેશે એવું તમને લાગતું હોય તો તમે લમ્પસમમાં રોકાણ કરી શકો છો. એસઆઇપી વ્યાપક રીતે વધઘટ થતા બજાર માટે એકદમ યોગ્ય છે.

429
હું રોકાણ કરવા માટે તૈયાર છું