कमी कालावधीच्या उद्दिष्टांसाठी म्युचूअल फंड्समध्ये गुंतवणूक करणे

म्युचूअल फंड्स हे पैशाच्या दीर्घकाळ गुंतवणुकीसाठी आहेत असे समजले जाते, मात्र असे काही म्युचूअल फंड्स आहेत जे कमी कालावधीच्या उद्दिष्टांसाठी सुद्धा बनलेले आहेत. कमी कालावधीच्या उद्दिष्टांसाठीचे म्युचूअल फंड्स ही अशी गुंतवणुकीची साधने असतात जी सापेक्षतेने कमी कालावधीची आर्थिक उद्दिष्टे पूर्ण करण्यास मदत करतात.

फ्लेक्सिबिलिटी आणि लिक्विडिटी ही त्यांची वैशिष्ट्य असून, कमी कालावधीची उद्दिष्टे पूर्ण करण्यासाठी म्युचूअल फंड्स हे कमी उपलब्ध कालावधीत जोखीम कमी करण्याबरोबरच गुंतवलेल्या भांडवलाची रास्त वाढीव किंमत देण्याचे उद्दिष्ट साध्य करतात. हे फंड्स विशेषकरून संभाव्य परतावे आणि त्यासोबत येणारी जोखीम यामध्ये समतोल साध्य करतात, तसेच कमी-कालावधीची आर्थिक उद्दिष्टे पूर्ण करण्याच्या दृष्टीने विशिष्ट गरजा पूर्ण करतात.

हे फंड्स काही उद्दिष्टे पूर्ण करण्यासाठी अगदी योग्य आहेत जसे की अकस्मात आलेले खर्च, नियोजित रजा किंवा सुट्टीसाठी बचत, घर घेण्यासाठी डाऊन पेमेंट देण्याकरिता, गाडी विकत घेण्यासाठी पैसे, शैक्षणिक खर्चासाठी पैसे बाजूला काढून ठेवणे, लग्नाचा खर्च करण्यासाठी, आणि घराच्या नूतनीकरणाचे काम निघाल्यास कमी कालावधीसाठी निधीची गरज, अशा काही इतर उद्दिष्टांसाठी.

कमी-कालावधीसाठी म्युचूअल फंड्सचा पर्याय निवडणार्‍या गुंतवणूकदारांना व्यावसायिक निधी व्यवस्थापनातून, विविध प्रकारचे पोर्टफोलिओज, आणि जेव्हा गरज पडेल तेव्हा सहजतेने फंड्सचा वापर करता येणे असे संभाव्य फायदे मिळू शकतात.

कमी-कालावधीच्या गुंतवणुकींसाठी योग्य असणारे विविध प्रकारचे म्युचूअल फंड्स आहेत, प्रत्येकाचे स्वत:चे असे वैशिष्ट्य आहे आणि जोखीमचे प्रोफाइल आहे. कमी-कालावधीच्या म्युचूअल फंड्सचे काही प्रमुख प्रकार हे आहेत:

लिक्विड: लिक्विड किंवा म्युचूअल फंड्स असे म्युचूअल फंड्स आणि सुरक्षित असेट्स आहेत, जसे की कमी-कालावधी असलेले सरकारी रोखे आणि मनी मार्केटची साधने. प्रथम महत्त्वाचा उद्देश म्हणजे उच्च पातळीवरची सुरक्षितता आणि स्थैर्य देतानाच गुंतवणूकदारांना त्यांचे फंड्स त्वरित आणि सहजतेने वापरता येणे.

मनी मार्केट फंड्स: मनी मार्केट फंड्स हे अशा प्रकारातील म्युचूअल फंड्स आहेत जे प्रामुख्याने कमी-कालावधीच्या, कमी जोखीम असलेल्या, आणि सहजतेने परिवर्तन करता येण्यासारख्या सिक्युरिटीज जसे की ट्रेजरीची बिले, ठेवींची प्रमाणपत्रे, आणि व्यावसायिक कागदपत्रांसाठी गुंतवणूकींना वर्ग करतात.

कमी-कालावधीचे डेट फंड्स: कमी-कालावधीचे डेट फंड्स हे असे म्युचूअल फंड्स आहेत जे छोट्या परिपक्वतेच्या निश्चित उत्पन्न असलेल्या सिक्युरिटीजसाठी मोठ्या प्रमाणात गुंतवणूकींना वर्ग करतात. त्यांचे उद्दीष्ट म्हणजे व्याजदरातील चढउतरांचा प्रभाव कमी करत प्रामुख्याने व्याजाच्या उत्पन्नातून परतावे मिळवणे.

कमी-कालावधी असलेले बॉन्ड फंड्स: कमी-कालावधीचे फंड्स असे म्युचूअल फंड्स आहेत जे प्रामुख्याने विविधता असलेल्या पोर्टफोलिओमध्ये गुंतवणूक करतात. या फंड्सचा उद्देश हा कमी रिस्क प्रोफाइल राखण्याबरोबरच मनी मार्केट फंड्सच्या तुलनेत सापेक्षतेने उच्च परतावे देणे.

गिल्ट फंड्स: गिल्ट फंड्स असे म्युचूअल फंड्स आहेत जे प्रामुख्याने सरकारी सिक्युरिटीज अथवा गिल्टमध्ये गुंतवणूक करतात. हे फंड्स सापेक्षतेने कमी-जोखीम असलेले गुंतवणुकीचे पर्याय उपलब्ध करून देतात जसे की सरकारी-पाठबळ असलेल्या सिक्युरिटीज ज्यांना विशिष्ट असे उच्च क्रेडिट रेटिंग असते.

तरीसुद्धा, कमी-कालावधीच्या म्युचूअल फंड्समध्ये गुंतवणूक करण्याअगोदर, हे जाणून घेणे महत्त्वाचे ठरेल की गुंतवणूकदारांनी त्यांची जोखीम घेण्याची क्षमता, गुंतवणूकीचा कालावधी, आणि आर्थिक उद्दिष्टांचे योग्य पद्धतीने मूल्यमापन करणे गरजेचे ठरेल. याबरोबरच, आर्थिक सल्लागाराचे मार्गदर्शन हे गुंतवणुकीतील धोरण व्यक्तिश: गरजांप्रमाणे आणि सद्यस्थितीत बाजारातील परिस्थितीप्रमाणे ठरवण्यात सहाय्यक ठरू शकते.

अस्वीकरण

म्युच्युअल फंडातील गुंतवणूक ही बाजारातील जोखीमीच्या अधीन आहेत, योजनेसंबंधित सर्व दस्तऐवज काळजीपूर्वक वाचावेत.