लंपसम (एकरकमी) गुंतवणूक कॅल्क्युलेटर

एकरकमी गुंतवणूक म्हणजे काय?

एकरकमी गुंतवणूक, ज्याला वन-टाइम इन्व्हेस्टमेंट असेही म्हणतात, हा गुंतवणुकीचा असा एक प्रकार आहे ज्यात तुम्ही एकदाच गुंतवणूक करता ज्यामुळे तुमच्या गुंतवलेल्या पैशाला दिलेल्या मुदतीत चक्रवाढ व्याजाने परतावा मिळू शकतो.

लंपसम (एकरकमी) गुंतवणूक कॅल्क्युलेटर म्हणजे काय?

लंपसम (एकरकमी) गुंतवणूक कॅल्क्युलेटर हे एक सॉफ्टवेअर साधन आहे ज्याचा वापर तुम्ही म्युच्युअल फंडातील तुमच्या एकरकमी गुंतवणुकीचे अंदाजे मॅच्युरिटी मूल्य मोजण्यासाठी करू शकता.

सोप्या भाषेत सांगायचे तर म्युच्युअल फंड लंपसम (एकरकमी) गुंतवणूक कॅल्क्युलेटर तुम्हाला ठराविक व्याजदराने आज केलेल्या गुंतवणुकीचे भविष्यातील अंदाजे मूल्य सांगेल.

उदाहरणार्थ, जर तुम्ही 12% व्याजदराने 10 वर्षांसाठी 2 लाख रुपयांची गुंतवणूक केली. एकरकमी परतावा कॅल्क्युलेटरनुसार, तुमच्या गुंतवणुकीचे भविष्यातील मूल्य हा तुमचा कॉर्पस निधी असेल, जो 6,21,169.64 रुपये असेल. परंतु म्युच्युअल फंड्स बाजारातील घडामोडींच्या अधीन असल्याने हे प्रत्यक्ष मूल्य नसून परतावा किती असेल याचा हा केवळ अंदाज आहे.

MFSH लंपसम (एकरकमी) गुंतवणूक कॅल्क्युलेटर कसे वापरावे?

म्युच्युअल फंड्स सही आहे (MFSH) लंपसम (एकरकमी) गुंतवणूक कॅल्क्युलेटर हे कोणीही वापरू शकेल असे वापरण्यास सोपे ऑनलाइन साधन आहे. लंपसम (एकरकमी) गुंतवणूक कॅल्क्युलेटरमध्ये तुम्हाला मूलभूत तपशील टाकावे लागतील, जसे की:

a) सुरुवातीची गुंतवणुकीची रक्कम

b) परताव्याचा दर

c) गुंतवणुकीची वर्षे (मुदत)

हे तपशील या गुंतवणूक कॅल्क्युलेटरमध्ये टाकल्यावर तुम्ही या एकरकमी म्युच्युअल फंड गुंतवणुकीचे भविष्यातील अंदाजे मूल्य जाणून घेऊ शकता.

एकरकमी म्युच्युअल फंड परतावा मोजण्याचे सूत्र

तुमच्या म्युच्युअल फंड एकरकमी गुंतवणुकीचे रिडेम्प्शन मूल्य हे वर नमूद केल्याप्रमाणे गुंतवणुकींच्या बाजारातील कामगिरीवर आधारित असेल. मात्र, एकरकमी गुंतवणुकीतून मिळणाऱ्या परताव्याचा अंदाज वर्तवण्यासाठी म्युच्युअल फंड एकरकमी कॅल्क्युलेटर हेच सूत्र वापरते. वापरले जाणारे सूत्र असे आहे:

A = P (1 + r/n) ^ nt

r - अंदाजे परतावा

P - मूळ गुंतवणूक रक्कम

T - एकूण कालावधी

n - योगदानांची संख्या

उदाहरणासह गणना -

मुद्दल: 50,000

परताव्याचा दर: 12%

कालावधी: 10 वर्षे

A = P (1 + r/n) ^ nt

= 1.55 लाख रुपये (हे अंदाजे रिडेम्प्शन मूल्य असेल.)

लंपसम (एकरकमी) गुंतवणूक कॅल्क्युलेटर तुम्हाला कशी मदत करू शकते?

हे लंपसम (एकरकमी) गुंतवणूक कॅल्क्युलेटर तुम्हाला खालील गोष्टींमध्ये मदत करू शकते:

संपूर्ण गुंतवणुकीच्या कालावधीतून अंदाजे परतावा सांगणे.

म्युच्युअल फंड्स हे बाजारातील चढउतारांच्या अधीन असतात आणि त्यांचा अंदाज बांधता येत नसला तरी गुंतवणूक कॅल्क्युलेटर आवश्यक ती गणना (मोजण्यातील मानवी त्रुटींशिवाय) प्रदान करेल.

हे वापरण्यास सुलभ आणि सोपे आहे आणि कॅल्क्युलेटर तुलनेने सोपे केले जातात याची खात्री करते. म्युच्युअल फंड एकरकमी कॅल्क्युलेटर हे सुनिश्चित करते की तुम्ही अंदाजे परताव्याच्या आधारे तुमच्या आर्थिक बाबींचे चांगले नियोजन करता.

हे लंपसम (एकरकमी) गुंतवणूक कॅल्क्युलेटर कसे कार्य करते?

म्युच्युअल फंड्स सही आहे पोर्टलवर उपलब्ध असलेले लंपसम (एकरकमी) गुंतवणूक कॅल्क्युलेटर हे त्याच्या आवश्यक स्लॉट्समध्ये दिलेल्या महत्त्वाच्या चल घटकांना (माहितीवर) वरील सूत्र लागू करते आणि काही सेकंदांमध्ये तुम्हाला अंदाजे मूल्य सांगते.

हे लक्षात घेणे महत्त्वाचे आहे की प्रत्यक्ष परतावा भिन्न असू शकतो. शुल्क, कर आणि बाजारातील चढउतार यासारखे घटक गुंतवणुकीच्या प्रत्यक्ष कामगिरीवर परिणाम करू शकतात.

MFSH लंपसम (एकरकमी) गुंतवणूक कॅल्क्युलेटर वापरण्याचे फायदे

हे लंपसम (एकरकमी) गुंतवणूक कॅल्क्युलेटर हे एक असे आर्थिक साधन आहे ज्याचे बरेच फायदे आहेत, जसे की:

1. यामुळे तुम्ही गुंतवणूक करायची रक्कम ठरवू शकता: या अंदाजाच्या आधारे आदर्श मॅच्युरिटी मूल्य प्राप्त करण्यासाठी आवश्यक असलेली महत्त्वपूर्ण एकरकमी रक्कम तुम्ही जाणून घेऊ शकता.

2. गुंतवणुकीच्या नियोजनाची सुलभता: म्युच्युअल फंड गुंतवणुकीच्या नियोजनासाठी वापरले जाणारे एक साधन म्हणूनही हे कॅल्क्युलेटर काम करू शकते.