कोणता फंड माझ्यासाठी योग्य आहे हे मला कसे ओळखता येईल?
53 सेकंद वाचण्यासाठी
एकदा गुंतवणूकदाराने म्युच्युअल फंड्स मध्ये गुंतवणूक करण्याचा निर्णय घेतला की त्याला कोणत्या स्किम मध्ये गुंतवणूक करायची आहे -फिक्स्ड इन्कम फंड, इक्विटी की फंड, बॅलन्स्ड आणि कोणत्या अ‍ॅसेट मॅनेजमेंट कंपनी (AMC) मार्फत गुंतवणुक करायची आहे? हे ठरवावे लागते.
सर्वप्रथम, आपल्या उद्दिष्टांविषयी आपल्या म्युचुअल फंड वितरकाशी/गुंतवणूक सल्लागाराशी चर्चा करणे, कोणता कालावधी आपल्यासाठी योग्य आहे, आणि यामध्ये जोखीम काय असेल हे जाणून घेणे महत्वाचे असते.
ह्या माहितीच्या आधारे कोणत्या फंडमध्ये गुंतवणुक करायची ह्याचा निर्णय घेता येईल.
- जर आपले दिर्घकालीन उद्दीष्ट असेल, म्हणजे-निवृतीनंतरचे नियोजन आणि त्यात थोडी जोखीम पत्करण्याची तयारी असेल, तर इक्विटी किंवा बॅलन्स फंड आपल्यासाठी आदर्श आहेत.
- जर आपले अगदी लघुकालीन उद्दीष्टे असतील जसे- दोन महिन्यांसाठी पैसे बाजुला ठेवायचे आहेत; तर लिक्विड फंड उत्तम असेल.
- जर आपली कल्पना नियमित उत्पन्न मिळवण्याची असेल तर मंथली इन्कम प्लॅन किंवा इन्कम फंड घेण्याचा सल्ला दिला जाईल.
एकदा कोणत्या प्रकारच्या फंड मध्ये गुंतवणुक करायची हे ठरले की AMC मधून कोणती ठराविक स्किम घ्यायची ते ठरवता येईल. हे निर्णय AMC च्या मागील कार्याचा आढावा घेऊन, स्किमची योग्यता आणि पोर्टफोलिओची सविस्तर माहिती वगैरे बघून सामान्यतः घेतले पाहिजेत.
स्किमची फॅक्टशीट आणि माहितीचे निवेदन पत्र ही दोन कागदपत्रे प्रत्येक गुंतवणूकदाराला गुंतवणूक करण्याआधी मिळणे गरजेचे आहे. जर एखाद्या व्यक्तिस सखोल माहिती हवी असेल, तर त्याने स्किम संबंधित माहिती असलेल्या पत्रकामध्ये बघावे. ही सर्व माहिती प्रत्येक म्युच्युअल फंडच्या संकेतस्थळांवर सहज उपलब्ध असते.