ಡೆಟ್ ಫಂಡ್‌ಗಳಲ್ಲಿ ಯಾವ ರಿಸ್ಕ್‌ಗಳು ಇರುತ್ತವೆ?

ಡೆಟ್ ಫಂಡ್‌ಗಳಲ್ಲಿ ಯಾವ ರಿಸ್ಕ್‌ಗಳು ಇರುತ್ತವೆ?

ಮ್ಯೂಚುವಲ್‌ ಫಂಡ್‌ ಸೂಕ್ತವೇ??

ಸ್ಟಾರ್ಟಪ್‌ ಮಾಲೀಕರಾಗಿರುವ ನಿಮ್ಮ ಸ್ನೇಹಿತರಿಗೆ 8% ಬಡ್ಡಿ ದರದಲ್ಲಿ ನೀವು 5 ಲಕ್ಷ ರೂ. ಸಾಲ ನೀಡಿದ್ದೀರಿ (ಪ್ರಸ್ತುತ ಬ್ಯಾಂಕ್ ದರ ಶೇ. 7 ಕ್ಕಿಂತ ಹೆಚ್ಚು). ಅವರು ನಿಮಗೆ ಹಲವು ವರ್ಷಗಳಿಂದ ಪರಿಚಿತರಾಗಿದ್ದರೂ, ಸಮಯಕ್ಕೆ ಸರಿಯಾಗಿ ಆತ ಹಣವನ್ನು ವಾಪಸ್‌ ಮಾಡದ ಅಥವಾ ಹಣವನ್ನು ವಾಪಸ್‌ ಮಾಡದೆಯೇ ಇರುವ ರಿಸ್ಕ್ ಅನ್ನು ನೀವು ಹೊಂದಿರುತ್ತೀರಿ. ಹಾಗೆಯೇ, ಬ್ಯಾಂಕ್‌ ದರವು 8.5% ಕ್ಕೆ ಏರಿಕೆಯಾಗಿ, ನೀವು 8% ರಲ್ಲೇ ಸಿಕ್ಕಿಕೊಂಡಿರಬಹುದು.

ಇದೇ ರೀತಿ, ಡೆಟ್‌ ಫಂಡ್‌ಗಳು ನಿಮ್ಮ ಹಣವನ್ನು ಬಾಂಡ್‌ಗಳು ಮತ್ತು ಮನಿ ಮಾರ್ಕೆಟ್‌ ಸಲಕರಣೆಗಳಂತಹ ಬಡ್ಡಿ ನೀಡುವ ಸೆಕ್ಯುರಿಟಿಗಳಲ್ಲಿ ಹೂಡಿಕೆ ಮಾಡುತ್ತವೆ. ಈ ಫಂಡ್‌ಗಳಿಗೆ ನಿಯತ ಬಡ್ಡಿ ಪಾವತಿಯನ್ನು ಮಾಡುವ ಭರವಸೆಯನ್ನು ಈ ಸೆಕ್ಯುರಿಟಿಗಳು ನೀಡುತ್ತವೆ. ಹೀಗಾಗಿ, ಡೆಟ್ ಫಂಡ್‌ಗಳು ನೀವು ಸ್ನೇಹಿತರಿಗೆ ಸಾಲವನ್ನು ನೀಡಿದಾಗ ಇರುವಂತಹ ಮೂರು ಪ್ರಮುಖ ರಿಸ್ಕ್‌ಗಳಿಗೆ ಒಳಗಾಗುತ್ತವೆ. 

  • ಮೊದಲನೆಯದಾಗಿ, ಈ ಫಂಡ್‌ಗಳು ಬಡ್ಡಿ ನೀಡುವ ಸೆಕ್ಯುರಿಟಿಗಳಲ್ಲಿ ಹೂಡಿಕೆ ಮಾಡುವುದರಿಂದ, ಇವುಗಳ ಎನ್‌ಎವಿಯು ಬಡ್ಡಿ ದರ ಬದಲಾಗುತ್ತಿದ್ದಂತೆಯೇ (ಬಡ್ಡಿ ದರ ರಿಸ್ಕ್‌) ಬದಲಾವಣೆಗೆ ಒಳಪಡುತ್ತಿರುತ್ತದೆ. ಈ ಫಂಡ್‌ಗಳ ಬೆಲೆಯು ಬಡ್ಡಿ ದರ ಏರಿದಾಗ ಇಳಿಯುತ್ತದೆ ಮತ್ತು ಇಳಿದಾಗ ಏರುತ್ತದೆ.
  • ಎರಡನೆಯದಾಗಿ, ಈ ಫಂಡ್‌ಗಳು ಕ್ರೆಡಿಟ್ ರಿಸ್ಕ್‌ಗೆ ಒಳಪಟ್ಟಿವೆ. ಅಂದರೆ ತಾವು ಹೂಡಿಕೆ ಮಾಡಿದ ಸೆಕ್ಯುರಿಟಿಗಳಿಂದ (ಉದಾ., ಬಾಂಡ್‌ಗಳು) ನಿಯತ ಪಾವತಿಗಳನ್ನು ಸ್ವೀಕರಿಸದ ರಿಸ್ಕ್‌ಗಳು ಇರುತ್ತವೆ.
  • ಅತ್ಯಂತ ಕಡಿಮೆ ಸನ್ನಿವೇಶದಲ್ಲಿ, ಈ ಫಂಡ್‌ಗಳು ಭರವಸೆ ನೀಡಿದ ಪಾವತಿಯನ್ನು ಮಾಡಲು ಬಾಂಡ್‌ ವಿತರಕರು ವಿಫಲವಾಗುವ ಡೀಫಾಲ್ಟ್‌ ರಿಸ್ಕ್‌ಗಳನ್ನು ಹೊಂದಿರುತ್ತವೆ. ಡೆಟ್‌ ಫಂಡ್‌ಗಳ ಪೋರ್ಟ್‌ಫೋಲಿಯೋದಲ್ಲಿನ ಬಾಂಡ್‌ ತನ್ನ ಪಾವತಿಯಲ್ಲಿ ವ್ಯತ್ಯಯ ಮಾಡಿದರೆ, ಫಂಡ್‌ನ ಬಡ್ಡಿ ಆದಾಯದ ಅಂಶದ ಮೇಲೆ ಪರಿಣಾಮ ಬೀರುತ್ತದೆ. ಈ ಮೂಲಕ ಫಂಡ್‌ನಿಂದ ನಿಮ್ಮ ಒಟ್ಟು ರಿಟರ್ನ್‌ ಮೇಲೆ ವ್ಯತಿರಿಕ್ತವಾಗಿ ಬಾಧಿಸುತ್ತದೆ.
436
ನಾನು ಹೂಡಿಕೆ ಮಾಡಲು ಸಿದ್ಧ