म्युच्युअल फंडांमध्ये नामनिर्देशन महत्त्वाचे का असते आणि त्यासाठी काय प्रक्रिया असते?

Video
म्युच्युअल फंड कैलकुलेटर

म्युच्युअल फंड सही आहे?

आपण सर्वांनी राजांच्या आणि त्यांची अनुरूप वारशाची तीव्र इच्छा याबद्दलच्या गोष्टी इतिहास आणि गोष्टीच्या पुस्तकांमध्ये वाचल्या आहेत. ज्याप्रमाणए राजे त्यांचे राज्य योग्य वारशाकडे सोपवत असत, त्याचप्रमाणे तुम्हाला तुमच्या प्रत्येक मालमत्तेसाठी कायदेशीर अंमलबजावणी मृत्यूपत्राच्या माध्यमातून वारशाचे नाव निश्चित करण्याचा सल्ला दिला जातो. अनेक लोक हयात असताना मृत्यूपत्र करत नाहीत. यामुळे व्यक्तीच्या मृत्यूनंतर त्याच्या/तिच्या मालमत्तांचा वारसा कोणाकडे असावा यावरून वाद निर्माण होऊ शकतात. याठिकाणी नामनिर्देशन महत्त्वाचे होते.

म्युच्युअल फंडांबाबतीत नामनिर्देशन ही अशी सुविधा असते जी स्वतंत्र गुंतवणूकदाराला त्याचा मृत्यू झाल्यास, म्युच्युअल फंड गुंतवणूक युनिट्सवर किंवा त्या युनिट्सच्या विमोचनाच्या प्रक्रियेवर दावा करू शकेल अशा एका व्यक्तीचे नामनिर्देशन करू देते. जर गुंतवणूकदाराने त्याच्या/तिच्या खात्याची नामनिर्देशित व्यक्ती निश्चित केली नसेल तर, केवळ गुंतवणूकदाराच्या कायदेशीर वारशाला/वारशांना आपला कायदेशीर वारसा सिद्ध केल्यानंतर, जी एक दीर्घकालीन प्रक्रिया असू शकते, गुंतवणुकीवर दावा करता येतो. एखादी दुर्दैवी घटना घडल्यास, मालमत्तांचे प्रेषण सुरळीत होण्यासाठी त्यामुळे तुमच्या सर्व म्युच्युअल फंडाच्या गुंतवणुकीसाठी नामनिर्देशित व्यक्ती असणे अधिक चांगले असते.

तुमचे म्युच्युअल फंडाचे ऑनलाईन खाते असले तर तुम्हाला तुमच्या म्युच्युअल फंड होल्डिंगमध्ये तुम्हाला विद्यमान नामनिर्देशित व्यक्तींमध्ये आणखी व्यक्तींची नावे जोडता किंवा अद्ययावत करता येतात. तुमच्या खात्यामध्ये लॉगइन करा आणि ज्या फोलियोंअंतर्गत तुम्हाला नामनिर्देशित व्यक्तींची नावे जोडायची किंवा अद्ययावत करायची असतील तो फोलियो निवडा. प्रत्येक नामनिर्देशित व्यक्तीच्या किती मालकी मिळेल त्याची टक्केवारीसह नामनिर्देशित व्यक्तीचे नाव आणि पत्त्यासारखे तपशील भरा. टक्केवारी निश्चित केली नसेल तर प्रत्येक नामनिर्देशित व्यक्ती समान टक्के मालकी मिळण्यास पात्र असेल.

तुम्हाला ऑनलाईन व्यवहार करणे सोयीचे वाटत नसेल तर तुमच्या फोलियोमध्ये नामनिर्देशित व्यक्तीचे तपशील जोडण्यासाठी/अद्ययावत करण्यासाठी तुम्ही फंड हाऊसच्या जवळच्या शाखेत किंवा गुंतवणूकदार सेवा केंद्रात जाऊ शकता. तुम्हाला केवळ लेखी अर्ज देणे किंवा कॉमन अॅप्लिकेशन फॉर्मचे संबंधित कलम भरणे एवढेच करायचे आहे. तुम्हाला नामनिर्देशित व्यक्ती आणि त्यांची नावे कोणत्या खात्यात/फोलियोमध्ये जोडायची/अद्ययावत करायची आहेत ते निर्दिष्ट करावी लागतील. खात्यामध्ये एकापेक्षा जास्त नामनिर्देशित व्यक्ती असतील तर तुम्हाला सर्व नामनिर्देशित व्यक्तींदरम्यान तुमच्या गुंतवणुकीचे टक्केवारी वाटप निर्दिष्ट करावे लागते.

नामनिर्देशित व्यक्तींच्या तपशीलाने तुमची सर्व म्युच्युअल फंड गुंतवणूक खाती अद्ययावत करा आणि काही दुर्दैवी घटना घडल्यास तुमच्या गुंतवणुकींवर दावा करण्यासाठी आपला कायदेशीर वारसा सिद्ध करण्याच्या त्रासातून तुमच्या कुटुंबाची सुटका करा.

454
मी गुंतवणूक करण्यासाठी तयार आहे